Лепшыя ветэрынарныя ўрачы Беларусі працуюць у Віцебскай вобласці

Лепшыя ветэрынарныя ўрачы Беларусі працуюць у Віцебскай вобласці. Да такой высновы прыйшло журы, якое ацэньвала ўзровень падрыхтоўкі ветурачоў сельскагаспадарчых арганізацый з розных рэгіёнаў краіны. У фінале рэспубліканскага конкурсу, які праходзіў на базе ААТ «БелВітуніфарм», прынялі ўдзел 12 спецыялістаў – лідараў абласных этапаў.

Найвышэйшы ўзровень практычных навыкаў кожнага ўжо быў пацверджаны вынікамі дзейнасці і годнымі паказчыкамі, адлюстраванымі ў статыстычных формах справаздачнасці, прадстаўленых падчас адбору фіналістаў. Таму прэтэндэнтам на званне лепшага ветурача трэба было за паўгадзіны адказаць на 30 пытанняў тэарэтычнага тэсту па ветэрынарыі.

У выніку пальму першынства журы прысудзіла ветурачу ААТ «Буеўшчына» Шаркаўшчынскага раёна Алы Баговіч. Другое месца заваяваў ветэрынарны фельчар УП «П-С Карпекі» Полацкага раёна Дзмітрый Кірпічонак.

У тройку лідараў таксама ўвайшла галоўны ветурач РСУП «Эксперыментальная база «Крынічная» Мазырскага раёна Гомельскай вобласці Кацярына Юрчак. Усе ўдзельнікі конкурсу прафмайстэрства атрымалі дыпломы і падарункавыя сертыфікаты.

"Віцебскія весці".