Лепшымі працадаўцамі Віцебска прызнаны чатыры прадпрыемствы

Падведзены вынікі першай гарадской прэміі сярод наймальнікаў, абвешчанай Віцебскім гарвыканкамам, Асацыяцыяй наймальнікаў і прадпрымальнікаў і інтэрнэт-парталам RabotaVitebsk.by. Заяўкі на ўдзел падалі больш за 30 прадпрыемстваў як дзяржаўнай, так і прыватнай форм уласнасці. Галоўным крытэрыем вызначэння лідараў сталі ўзровень заработнай платы, прадастаўленне сацыяльных
гарантый і кадравая палітыка.
– Калі ўзровень зарплаты аказваўся прыблізна аднолькавым, то мы параўноўвалі сацыяльны пакет, які прадугледжваў пуцёўкі ў санаторыі, грашовыя прэміі да святаў, сумесны адпачынак, спартыўныя спаборніцтвы і многае іншае. Улічвалася і тое, колькі сродкаў было ўкладзена ў удасканаленне прафесійнага майстэрства, – адзначыў кіраўнік інтэрнэт-партала RabotaVitebsk.by Андрэй Лапін. – Дарэчы, тыя прадпрыемствы, якія занялі першыя пазіцыі, не ведаюць, што такое плынь кадраў. Гэта значыць, гэта рэальныя лідары. Конкурс праходзіў у чатырох намінацыях: у залежнасці ад колькасці работнікаў. Так, у намінацыі «Мікраарганізацыя да 15 чалавек» прэмія прысуджана ААТ «Турыстычная фірма «ІЛВА», сярод малых прадпрыемстваў з колькасцю работнікаў да 100 чалавек — ППТУП «Вітбудтэхмаш», сярод сярэдніх з колькасцю супрацоўнікаў да 101-250 – АПЧУП «ВІК – здароўе жывёл», з ліку буйных суб'ектаў гаспадарання лепшым прызнана РУП «Віцебскі лікёра-гарэлачны завод». Пераможцы змогуць выкарыстоўваць знак «Лепшы наймальнік» у сваёй рэкламнай і любой іншай прадукцыі.
Арганізатары прэміі ўпэўнены, што конкурс, які стане штогадовым, дазволіць павысіць якасць працоўных адносін у горадзе, выявіць іх слабыя і моцныя бакі, дасць магчымасць абмяняцца вопытам у стварэнні якасных і камфортных умоў на працоўным месцы. Тады лепшы наймальнік знойдзе лепшага супрацоўніка. Прыклад таму – прадпрыемства «Вітбудтэхмаш», якое ўпэўнена
сябе адчувае і на рынку аўтогідрапад'ёмнікаў, і забяспечана добрымі кадрамі.
– Мы ствараем працоўныя месцы, у 2012 годзе больш за 40 чалавек прынялі ў калектыў. І зараз да нас запісваюцца, імкнуцца трапіць, што, вядома, радуе. Сярэдняя заработная плата на сённяшні дзень падыходзіць да 1 тысячы долараў. У асаблівай цане

канструктары і прадстаўнікі рабочых спецыяльнасцей, – адзначыў дырэктар прадпрыемства Андрэй Сідараў.

«ВР»