Найлепшых маладых аратых вызначаць у Віцебскай вобласці
Абласны конкурс прафесійнага майстэрства сярод навучэнцаў і маладых майстроў вытворчага навучання (да 31 года) устаноў прафесійна-тэхнічнай і сярэдняй спецыяльнай адукацыі па кваліфікацыі трактарыста-машыніста сельскагаспадарчай вытворчасці пройдзе на базе Гарадоцкага дзяржаўнага аграрна-тэхнічнага каледжа. У спаборніцтвах заяўлена ўдзел 22 чалавек (па адным навучэнцу і майстру ад устаноў адукацыі, дзе рыхтуюць па дадзенай спецыяльнасці).
Двухдзённая праграма прадугледжвае тэарэтычную і практычную часткі. Прычым на практыцы канкурсантам трэба будзе прадэманстраваць майстэрства кіравання машынна-трактарным агрэгатам ва ўмовах абмежавання праезду, а таксама правесці ўзворванне на трактары BELARUS-1221 з чатырохкорпусным плугам (ППА-4-40). Запланаваны і майстар-клас на апрацоўчым агрэгаце ў складзе трактара BELARUS-3522 і васьмікорпуснага плуга (ППА-8-40).
Конкурс праводзіцца з мэтай вызначэння ўзроўню ведаў і практычных навыкаў, павышэння цікавасці да прафесіі, удасканалення дзейнасці ўстаноў адукацыі па падрыхтоўцы кваліфікаваных рабочых кадраў.