Масавая гібель качак у Віцебску магла адбыцца з-за падкормлівання - эколагі

Папярэдняй прычынай масавай гібелі качак у Віцебску эколагі называюць няправільную падкормку. Пра гэта карэспандэнту БЕЛТА паведаміў начальнік Віцебскай гарадской інспекцыі прыродных рэсурсаў і аховы навакольнага асяроддзя Валерый Фандо.

Паводле яго інфармацыі, на працягу ўчарашняга і сённяшняга дня ў вусці Віцьбы выяўлены трупы загінулых качак. Птушак таксама знаходзілі пад лёдам. Некалькі тушак было накіравана на экспертызу. Па словах Валерыя Фандо, зыходзячы з першасных вынікаў, птушкі не былі ўражаны якімі-небудзь інфекцыямі. Па папярэдняй версіі, прычынай гібелі вадаплаўных мог стаць хлебны мякіш, якім спагадлівыя гараджане падкармліваюць качак. Эколагі пастаянна нагадваюць, што ў адкрытай вадзе вадаплаўныя не маюць патрэбы ў падкормках, тым больш іх, як і любых іншых птушак, нельга карміць хлебабулачнымі і салёнымі вырабамі - іх страўнік не здольны гэта пераварыць.

На працягу бліжэйшых дзён у месцах масавага збору качак з'явяцца стэнды з напамінам аб правілах кармлення птушак. Канчатковыя вынікі экспертызы будуць даведзены да грамадскасці, запэўніў Валерый Фандо.

Фота: news.vitebsk.cc