Месячнік бяспекі працы праходзіць у Віцебскай вобласці
За тры папярэднія абследавана 2794 арганізацыі вобласці і больш за 11 200 рабочых месцаў, дзе выяўлена звыш 25 тыс. парушэнняў патрабаванняў бяспекі.
– Больш за ўсё парушэнняў выяўлена ў сельскагаспадарчых і будаўнічых арганізацыях. Але, як правіла, яны нязначныя, не патрабуюць фінансавых, часавых затрат і аператыўна ўстараняюцца, – паведаміў намеснік начальніка ўпраўлення сацыяльна-працоўных адносін, заработнай платы і аховы працы камітэта па працы, занятасці і сацыяльнай абароне аблвыканкама Сяргей Камінскі.
Мэта цяперашняга месячніка – прафілактыка вытворчага траўматызму, устараненне парушэнняў патрабаванняў заканадаўства аб ахове працы ў арганізацыях лясной, сельскай гаспадаркі, будаўніцтва, прамысловасці, энергетыкі і іншых відаў дзейнасці.
Параўнанне з мінулым годам колькасць загінулых павялічылася з 16 да 19 чалавек, цяжка траўміраваных – з 48 да 51
У Віцебскай вобласці органамі ўлады, кіраўнікамі арганізацый надаецца вялікая ўвага пытанням аховы працы. Але, нягледзячы на гэта, за 9 месяцаў 2018 года, у параўнанні з аналагічным перыядам 2017-га, колькасць загінулых павялічылася з 16 да 19 чалавек, цяжка траўміраваных – з 48 да 51. Прычына – занядбанне правілаў тэхнікі бяспекі непасрэдна на працоўных месцах.
У межах правядзення месячніка прымаюцца дадатковыя меры па ўмацаванні працоўнай і вытворчай дысцыпліны, стварэнні здаровых і бяспечных умоў працы на кожным працоўным месцы: работнікаў забяспечваюць сродкамі індывідуальнай абароны, спраўным інвентаром, тэхнікай, абсталяваннем і прыстасаваннямі.
Мабільныя групы, у склад якіх уваходзяць прадстаўнікі органаў нагляду і кантролю, цэнтраў гігіены, эпідэміялогіі і грамадскага здароўя, упраўленняў па працы, занятасці і сацыяльнай абароне, МНС, дзяржаўнай інспекцыі працы, аказваюць метадычную дапамогу кіраўнікам арганізацый і спецыялістам па пытаннях аховы працы.
У сярэднім кожная мабільная група ў месяц праводзіць каля 11 абследаванняў
– У сярэднім кожная мабільная група ў месяц праводзіць каля 11 абследаванняў. За адну праверку выяўляецца з дзясятак парушэнняў патрабаванняў бяспекі працы. Па выніках кіраўнікі прадпрыемстваў атрымліваюць пісьмовыя рэкамендацыі па іх ліквідацыі, – дадаў Сяргей Камінскі.
Праводзімая работа па прафілактыцы вытворчага траўматызму дазволіла Віцебскай вобласці дасягнуць самага нізкага паказчыка прафесійнай захваральнасці ў рэспубліцы і захоўваць яго на працягу шэрагу гадоў.