Месцы камэр фотафіксацыі ў Віцебскай вобласці пазначаюць дарожнай разметкай

Дзяржаўтаінспекцыя Віцебскай вобласці першай у рэспубліцы наносіць эксперыментальную разметку на ўчастках дарогі, дзе ўстаноўлены камеры фотафіксацыі парушэнняў хуткаснага рэжыму. Пра гэта паведаміў часова выконваючы абавязкі начальніка ўпраўлення ДАІ УУС Віцебскага аблвыканкама Уладзімір Банадысенка.

Дзяржаўтаінспекцыя Віцебскай вобласці першай у рэспубліцы наносіць эксперыментальную разметку на ўчастках дарогі, дзе ўстаноўлены камеры фотафіксацыі парушэнняў хуткаснага рэжыму. Пра гэта паведаміў карэспандэнту БЕЛТА часова выконваючы абавязкі начальніка ўпраўлення ДАІ УУС Віцебскага аблвыканкама Уладзімір Банадысенка.

Сёння эксперыментальная разметка з'явілася на 573-м км аўтадарогі Брэст - Мінск - мяжа РФ (М1/Е30). Яна нанесена побач з устаноўленым дарожным знакам, які інфармуе аб фотафіксацыі. Дадатковая разметка, як растлумачылі ў ДАІ, заклікана прыцягнуць большую ўвагу кіроўцаў, якія не заўсёды заўважаюць дарожныя знакі. Гэта неабходна ў мэтах прафілактыкі, паколькі камеры патрэбныя не толькі для фіксацыі парушэнняў хуткаснага рэжыму, але і для дадатковай стымуляцыі выканання Правілаў дарожнага руху.

Для эксперыментальнай разметкі выбрана выява старадается відэакамеры з двума бабінамі памерам прыкладна 1,5х2 м. Яна нанесена на кожную паласу белай фарбай з уключэннем святлоадбівальных шарыкаў, каб разметка была заўважная і ў цёмны час сутак.

У бліжэйшы час аналагічная разметка будзе нанесена і на іншых пяці ўчастках аўтадарогі М1/Е30 у Аршанскім, Талачынскім і Дубровенскім раёнах вобласці, дзе ўстаноўлены ўжо 12 камер фотафіксацыі.

Кацярына Князева