Мясцовыя жыхары павінны больш актыўна праяўляць ініцыятыву ў пытаннях добраўпарадкавання свайго краю - Віталь Воўк

"Важна, каб жыхары самі праяўлялі ініцыятыву, звярталіся з прапановамі ў органы ўлады", - падкрэсліў Віталь Воўк. Ён выказаў меркаванне аб неабходнасці аб'яднання намаганняў мясцовых жыхароў і прадстаўнікоў органаў улады і прывёў у якасці прыкладу браслаўчаніна, які прыйшоў на прыём. Пражыўшы дзесяць гадоў у Мінску, мужчына вярнуўся на малую радзіму, каб менавіта тут выгадаваць сваіх траіх дзяцей. На прыёме неабыякавы да свайго горада грамадзянін выказаў шэраг рацыянальных прапаноў па добраўпарадкаванні, уборцы смецця, арганізацыі веладарожак і г.д. "Усе ідэі па паляпшэнні горада мы прапанавалі яму накіраваць у райвыканкам. Яны будуць ўлічаны пры падрыхтоўцы Браслава да абласнога свята "Дажынкі", якое горад будзе прымаць у 2019 годзе", - адзначыў памочнік Прэзідэнта.

Віталь Воўк акцэнтаваў увагу на значнасці асабістых прыёмаў грамадзян. "Яны з'яўляюцца важным звяном з насельніцтвам, дапамагаюць разумець, наколькі ўлады прымаюць правільныя рашэнні, каб людзі жылі на сваёй малой радзіме і рэалізоўвалі сябе", - дадаў ён. Касаючыся праведзенага прыёму, Віталь Воўк станоўча адзначыў працу мясцовых органаў улады: "У цэлым відаць, што яны працуюць з насельніцтвам. Тэмы ўзнімаліся розныя, былі і складаныя. Аднак нейкіх крычушчых пытанняў, з разраду прэч выбітных, не прагучала". 

Мясцовы пошукавік-энтузіяст, работнік райпо, звярнуўся па фінансавую дапамогу для арганізацыі аперацыі па пошуку амерыканскага знішчальніка Другой сусветнай вайны "Аэракобра", які ў гады вайны здзейсніў вымушаную пасадку на мясцовым балоце. На думку Віталя Воўка, гэта вельмі цікавая і важная тэма. Да яго пошуку плануецца прыцягнуць ваенныя падраздзяленні, пошукавікаў і іншых зацікаўленых. 

Пытанне падтаплення ў міжсезонне адразу некалькіх гарадскіх вуліц агучыла сям'я, якая пражывае па вул.Багдановіча. З улікам актуальнасці тэмы памочнік Прэзідэнта.

даручыў узняць праект забудовы на прадмет наяўнасці меліярацыйнага канала.

Таксама звярталіся мясцовыя жыхары па пытаннях рассялення, спынення страхавых выплат, добраўпарадкавання вуліцы Ленінская, будаўніцтва аўтамабільнай стаянкі для абслугоўвання сістэмы электроннага браніравання часу перасячэння дзяржаўнай мяжы з Латвіяй аўтатранспартам у пункце пропуску "Урбаны", залеснення ўчастка тэрыторыі каля нафтаправода "Дружба". Раней гэтая тэрыторыя, па словах заяўнікаў, адносілася да ворных зямель. Па ўсіх пытаннях дадзены адпаведныя даручэнні.

БЕЛТА.