Міжнародная будаўнічая выстава пройдзе ў Віцебску 28-30 лістапада

Міжнародная выстава "Будаўніцтва: новыя рашэнні і тэхналогіі" пройдзе ў Віцебску 28-30 лістапада, паведамілі БЕЛТА ў Беларускім аддзяленні Беларускай гандлёва-прамысловай палаты.

На спецыялізаваным форуме, які пройдзе ў Беларусі ўпершыню, будуць прадстаўлены будаўнічая тэхніка, абсталяванне, сродкі механізацыі ў будаўніцтве, будматэрыялы і тэхналогіі, інструмент і аснастка. У спісе ўдзельнікаў значацца такія вытворцы будаўнічай прадукцыі, як ААТ "Мінскдрэў", ААТ "Мінскжалезабетон", УП "Завод эфектыўных прамысловых канструкцый", ЗАТ "Спецоргбуд", ААТ "Бярозабудматэрыялы", ААТ "Наваполацкжалезабетон", ААТ "Энергакомплект", а таксама галіновыя прадпрыемствы з Расіі.

Удзельнікі форуму прадэманструюць магчымасці сучаснай будаўнічай галіны, новаўвядзенні ў галіне тэхналогій і матэрыялаў, а таксама змогуць усталяваць дзелавыя кантакты з патэнцыйнымі партнёрамі для прасоўвання прадукцыі, паслуг, тэхналогій.

Выставу арганізуе Віцебскае аддзяленне Беларускай гандлёва-прамысловай палаты пры падтрымцы Міністэрства архітэктуры і будаўніцтва Беларусі і Віцебскага абласнога выканаўчага камітэта.