Міжнародны фестываль сучаснай харэаграфіі ў Віцебску перанесены на 2021 год
Сёлета форум павінен быў сабраць сваіх прыхільнікаў на апошнім тыдні лістапада ў 33-і раз. "Рыхтавалася разнапланавая міжнародная праграма з удзелам найвядомейшых балетаў з Італіі, Расіі, Францыі, Беларусі, Украіны, мноства суправаджальных мерапрыемстваў (аўтарскія майстар-класы, выставы). Напэўна, прыйшоўся б даспадобы дасведчаным гледачам аўтэнтычны праект "Вечары беларускай сучаснай харэаграфіі", які прадугледжваў выступленні лаўрэатаў конкурсаў IFMC розных гадоў і іх новыя прэм'еры. На жаль, у сувязі з эпідэміялагічнай сітуацыяй фестываль пераносіцца на наступны год", - канстатавала намеснік гендырэктара.
Марына Раманоўская адзначыла, што пачынаючы з верасня з пагаршэннем эпідсітуацыі ў свеце разглядаліся розныя варыянты правядзення віцебскага танцавальнага форуму: у анлайн-рэжыме, толькі ў беларускім фармаце і інш. З розных прычын, у тым ліку з-за неадпаведнасці становішчу IFMC, якое цяпер знаходзіцца на стадыі дапрацоўкі, усе яны паступова былі адкінуты. "Вельмі спадзяемся, што ў 2021 годзе нам удасца правесці фестываль без страт", - дадала Марына Раманоўская.