МЕРКАВАННЕ. Дзяніс Глебко: «Мы разумеем, што за сітуацыяй з міграцыйнай палітыкай і з закрыццём пунктаў пропуску з боку суседзяў стаяць іншыя людзі, якія імі кіруюць».
– Аляксандр Лукашэнка на VII Усебеларускім народным сходзе дакладна выказаў пазіцыю нашай дзяржавы ў дачыненні да сітуацыі, якая складваецца ўздоўж знешніх межаў. Расійская Федэрацыя застаецца для нас саюзнікам, якога мы пастаянна падтрымліваем. Што тычыцца выклікаў, рызык і пагроз у дачыненні да нашай дзяржавы, то мы заўсёды гатовыя даць адпор ворагу, трымаем парах сухім. Аднак, нягледзячы на усе падзеі, што адбываюцца – вучэнні і мілітарызацыя суседніх дзяржаў – мы настроены на канструктыўны дыялог. І пасыл кіраўніка дзяржавы кажа пра тое, што мы павінны быць гатовыя ў любы час, ва ўмовах і абстаноўцы своечасова і неадкладна рэагаваць, нарошчваць узмацненне нашых межаў, але пры гэтым праводзіць міралюбную палітыку.
Мы ахоўваем рубяжы Радзімы кругласутачна, і калі адбываюцца нейкія «накалы», маю на ўвазе сітуацыю з міграцыйнай палітыкай і з закрыццём суседнімі дзяржавамі пунктаў пропуску, разумеем, што за ўсімі падобнымі дзеяннямі суседзяў з Латвіі, Літвы і Польшчы стаяць іншыя людзі, якія імі кіруюць. У сваю чаргу пры неабходнасці адкрыць пункты пропуску з нашага боку гэта будзе зроблена неадкладна для таго, каб падтрымліваць і эканамічныя сувязі, і добрасуседскія адносіны.