Шматкватэрны жылы дом увядуць у эксплуатацыю ў Ліёзне да 75-годдзя вызвалення раёна ад нямецка-фашысцкіх захопнікаў
Як распавёў намеснік старшыні райвыканкама па архітэктуры, будаўніцтве і ЖКГ Ігар Зайцаў, гэты 40-кватэрны дом у мікрараёне Школьны ўзводзіцца па дагаворным спосабе ў адпаведнасці з прэзідэнцкім Указам №240 аб адрасных субсідыях на жыллё.
Будаваць пачалі ў красавіку, у эксплуатацыю павінны здаць згодна з дагаворам у бягучым месяцы. Генпадрадчык – «Віцебскаблсельгасбуд», за пад'езд да новага дома адказвае мясцовае ПМС, за добраўпарадкаванне, асфальтаванне – ДРБУ №107. З фінансаваннем пытанняў няма. Тут адна- і двухпакаёвае жыллё, таму некаторыя шматдзетныя сем'і атрымаюць па дзве кватэры. Частка будзе здадзена пад ключ, а ўладальнікі астатніх маюць намер аздабляць іх на свой густ.
На наступны год у Лёзна запланавана будаўніцтва яшчэ аднаго такога дома. Праект знаходзіцца ў стадыі распрацоўкі, але жадаючыя мець там кватэры ўжо ёсць. Дарэчы, у чарзе на жыллё па раёне стаіць 391 чалавек.