Маладзёжны водны турпаход стартуе ў Віцебскай вобласці 12 жніўня

4 жніўня, Віцебск /Вольга Багачова - БЕЛТА/. Водны турпоход збярэ працуючую моладзь Віцебскай вобласці 12-14 жніўня, паведамілі карэспандэнту БЕЛТА ў Віцебскім абласным камітэце БРСМ.

Месцам правядзення паходу выбраны Бешанковіцкі раён, а маршрут удзельнікаў ляжыць уздоўж маляўнічых мясцін ад вёскі Бочакава да пасёлка Ула. У агульнай складанасці ўдзельнікам трэба будзе пераадолець па рацэ Ула больш за 30 км.

Чакаецца, што свае сілы ў спартыўным турызме паспрабуюць больш за 100 чалавек у складзе каманд, якія прадстаўляюць раённыя арганізацыі. Шлях удзельнікаў будзе звязаны не толькі з пераадоленнем ракі, але і насычаны рознымі творчымі і спартыўнымі конкурсамі. Так, каманды пазмагаюцца ў рэчаўках і прывітаннях, выкананні песень і прыпевак, веданні гісторыі сваёй краіны. Таксама ім трэба будзе паўдзельнічаць у конкурсах па сінхронным плаванні і хуткасным манеўраванні на лодках.

Водны турпоход прымеркаваны да 70-годдзя пачатку Вялікай Айчыннай вайны і закліканы спрыяць патрыятычнаму і экалагічнаму выхаванню моладзі, фарміраванню ў маладых людзей вопыту бяспечнай жыццядзейнасці, а таксама папулярызаваць актыўныя віды адпачынку.-0-