Малочназаводы і мясакамбінаты Віцебскай вобласці атрымаюць субсідыі на выплату працэнтаў па крэдытах

Урад выдасць малочным і мясакамбінатам субсідыі на выплату часткі працэнтаў па крэдытах. Адпаведная пастанова Савета Міністраў ад 9 снежня 2020 года №715 афіцыйна апублікавана сёння на Нацыянальным прававым інтэрнэт-партале, паведамляе БЕЛТА.

Гаворка ідзе пра крэдыты на бягучую дзейнасць васьмі прадпрыемствам – Верхнядзвінскаму масласырзаводу, Віцебскаму мясакамбінату, Глыбоцкаму малочна-кансерваваму камбінату, ААТ "Малако", Аршанскаму мясакансерваваму камбінату, Полацкаму малочнаму камбінату, Пастаўскаму малочнаму заводу, Глыбоцкаму мясакамбінату.

Субсідыі выдзяляюцца са сродкаў рэспубліканскага бюджэту, прадугледжаных на іншыя пытанні ў галіне сельскай гаспадаркі.

Па крэдытах у беларускіх рублях субсідыі прадугледжаны ў памеры 30% стаўкі рэфінансавання Нацыянальнага банка, па крэдытах у замежнай валюце – у памеры 30% стаўкі па крэдыце, але не больш за 2,5% гадавых з выплатай субсідый у беларускіх рублях па афіцыйным курсе Нацбанка.

Пастанова ўступае ў сілу пасля яе афіцыйнага апублікавання і распаўсюджвае сваё дзеянне на адносіны, што ўзніклі з 27 лютага 2020 года.