Манументальную кампазіцыю «Маршал Баграмян і Беларусь» адкрылі ў Віцебску
У урачыстай цырымоніі адкрыцця манумента прынялі ўдзел Надзвычайны і Паўнамоцны Пасол Рэспублікі Арменія ў Рэспубліцы Беларусь Размік Хумарян, старшыня абласнога Савета дэпутатаў Уладзімір Церанцьеў, старшыня Віцебскага гарвыканкама Мікалай Арлоў, кіраўнік адміністрацыі Першамайскага раёна Віцебска Яўген Сямёнычаў. Мерапрыемства прайшло ў рамках свята мікрараёна «Нам гэты шлях запаведана берагчы».
Пад камандаваннем двойчы Героя Савецкага Саюза, Маршала Савецкага Саюза Івана Баграмяна войскі 1-га Прыбалтыйскага фронту ва ўзаемадзеянні з войскамі 3-га Беларускага фронту 26 чэрвеня 1944 года вызвалілі Віцебск ад нямецка-фашысцкіх захопнікаў. У даніну памяці выдатнага палкаводца госці ўсклалі кветкі да мемарыяльнай дошкі, размешчанай на доме №103 па Маскоўскім праспекце на скрыжаванні з вуліцай Баграмяна.
Архітэктурна-скульптурная кампазіцыя скульптара Рыпсіме Гевартан і архітэктара Армена Сардарава, якая адкрылася, уключае звесткі аб найважнейшых аперацыях па вызваленні Беларусі, праведзеных пад камандаваннем Івана Баграмяна. Кампазіцыя ўяўляе сабой дзве круглыя пліты. На адным барэльефе размешчаны сілуэты байцоў і ваенная тэхніка, на другім высечаны сімвалы Арменіі – фігуры арлоў, гара Арарат. На мануменце ўвекавечаны словы маршала: «Досвед гісторыі сведчыць, што шлях да перамогі церністы, і з гонарам пераадольваюць яго толькі тыя, каго натхняюць пачуццё патрыятызму і высакароднасць мэты». Кампазіцыя стане сімвалам дружбы паміж Арменіяй і Беларуссю і іх агульнай справы – захавання гістарычнай памяці аб подзвігу дзядоў і прадзедаў.
– Сёння мы ўшаноўваем на беларускай зямлі памяць аднаго з вялікіх сыноў армянскага народа, чыё імя непарыўна звязана з Беларуссю. Тут, на гэтым аб'екце, арганічна пераплятаюцца такія паняцці як дзяцінства, патрыятызм, мір і дружба. Сімвалічная і дата мерапрыемства – 1 чэрвеня, Дзень абароны дзяцей. Атрадна, што на Віцебшчыне памятаюць уклад маршала ў вызваленне беларускага народа, да якога ён адчуваў пачуццё прыхільнасці. Тут вядзецца праца па ўшанаванні яго імя. У 2018 годзе ў Гарадку быў адкрыты помнік-бюст Герою, на сцяне школы размешчана маштабнае графiцi з выявай партрэта маршала, яго імя носіць СШ №1 Гарадка. Я хацеў бы падзякаваць усім, хто датычны да сённяшняй падзеі, якая ў абвешчаны ў Беларусі Год гістарычнай памяці набывае асаблівую актуальнасць і сімвалізуе перамогу дабра над злом. Яна таксама служыць напамінам аб больш чым 50 тысячах армян, якія змагаліся за вызваленне Беларусі. Памяць аб гэтых падзеях агульнай гісторыі збліжае нашы народы і з'яўляецца непарушнай асновай для далейшага развіцця армяна-беларускіх адносін, – адзначыў Размік Хумарян.
– Невыпадкова мы адкрываем гэты манумент у Дзень абароны дзяцей. Івана Баграмяна невыпадкова называлі «піянерска-камсамольскім маршалам» за яго цікавасць да спраў піянераў і ваенна-патрыятычнай гульні «Зарніца», паведаміў Уладзімір Церанцьеў.
На тэрыторыі СШ №46 працавалі інтэрактыўныя пляцоўкі, гульнёвыя зоны. Упрыгожаннем мерапрыемства сталі выступленні творчых калектываў.
