ХХII Міжнародны музычны фестываль імя І.І. Салерцінскага завяршаецца ў Віцебску

У Віцебскай абласной філармоніі сёння завершыцца ХХХII Міжнародны музычны фестываль імя І.І.Салерцінскага.

Падчас форуму прайшлі канцэрты выкладчыкаў і навучэнцаў Віцебскага дзяржаўнага музычнага каледжа імя Салерцінскага і пераможцы XV Міжнароднага конкурсу імя П.І.Чайкоўскага, лаўрэата міжнародных конкурсаў Дзмітрыя Маслеева (фартэпіяна) з Расіі. Кульмінацыяй фестывалю стала выступленне Дзяржаўнага камернага аркестра Беларусі.

Фінальны акорд форуму прагучыць сёння ў выкананні Дзяржаўнага акадэмічнага сімфанічнага аркестра Беларусі пад кіраўніцтвам Аляксандра Анісімава. Калектыў не ў першы раз прыязджае на фестываль. "Сустрэчы аркестра і слухачоў у філармоніі заўсёды суправаджаліся аншлагам і бурнымі авацыямі. Калектыў выконваў лепшыя творы класічнай і сучаснай сімфанічнай музыкі з салістамі-віртуозамі сусветнага ўзроўню. Гэты год не стане выключэннем. Творы І.Стравінскага, І.Баха, Г.Гендэля і І.Брамса завершаць 32-і фестываль", - сказалі арганізатары.

Міжнародны фестываль імя І.І.Салерцінскага праводзіцца ў Віцебску з 1989 года. За больш чым 30-гадовую гісторыю тут выступіла шмат знакамітых майстроў і маладых талентаў.