МУС абвяшчае конкурс на лепшыя фота і відэа

З 5 снежня 2019 года Міністэрства ўнутраных спраў Рэспублікі Беларусь праводзіць конкурс на лепшую фота- і відэаработу пад назвай «У аб'ектыве». Яго мэта – прыцягненне ўвагі да гісторыі і традыцый органаў унутраных спраў, фарміраванне аб'ектыўнага ўспрымання грамадствам паўсядзённай дзейнасці супрацоўнікаў міліцыі і ваеннаслужачых унутраных войскаў.

Прыняць удзел у конкурсе могуць усе ахвотныя, каму споўнілася 14 гадоў. Аўтарскія работы прымаюцца ў намінацыі:

– «Я б у міліцыю пайшоў» – удзельнічаюць работы, якія адлюстроўваюць жаданне моладзі паступіць на службу ў органы правапарадку;

– «Гістарычная спадчына» – помнікі, музейныя кампазіцыі з сімволікай МУС;

– «Міліцыя – дзецям» – разглядаюцца работы аб абароне правоў падлеткаў і дзяцей;

– «Дарожная бяспека» – прафілактыка парушэнняў Правілаў дарожнага руху;

– «Служба дні і ночы» – аб асаблівасцях службы ў міліцыі і ўнутраных войсках.

Аўтарскія работы з заяўкамі прымаюцца да 20 лютага 2020 года па адрасе uios@mvd.gov.by. Заяўка афармляецца ў адвольнай форме з данымі аб удзельніку (Імя, прозвішча, імя па бацьку, паштовы і электронны адрас, тэлефон, кароткае апісанне работы і назва намінацыі).

Конкурсная камісія ацэніць работы па такіх крытэрыях, як арыгінальнасць, мастацкая каштоўнасць і тэхнічнае выкананне. Журы абярэ не больш за тры фіналісты ў кожнай намінацыі, сярод якіх па суме балаў вызначацца пераможцы.

Урачыстае ўзнагароджанне адбудзецца напярэдадні Дня міліцыі.

На старонцы https://mvd.gov.by/ru/stocks/41 можна азнаёміцца з палажэннем аб правядзенні конкурсу, спампаваць банэр для размяшчэння на іншых інтэрнэт-рэсурсах або праглядзець працы канкурсантаў. Сачыць за ходам конкурсу можна таксама і ў нашых сацыяльных сетках: https://vk.com/mvdgovby, https://instagram.com/mvdgovby.

Жадаем натхнення і творчых поспехаў удзельнікам конкурсу!