На кожным участку для галасавання ў Віцебскай вобласці знаходзіцца ад 6 да 15 назіральнікаў

19 снежня, Мінск /Алена Прус - БЕЛТА/. На кожным участку для галасавання ў Віцебскай вобласці знаходзіцца ад 6 да 15 назіральнікаў. Пра гэта паведаміў на відэаканферэнцыі старшыня Віцебскай абласной камісіі па выбарах Вячаслаў Крук,скі, перадае карэспандэнт БЕЛТА. На ўчастках для галасавання ў Віцебскай вобласці зарэгістравана больш за 4,7 тыс. назіральнікаў, 120 дэпутатаў саветаў розных узроўняў. Каля сотні назіральнікаў працуюць у тэрытарыяльных камісіях. "Істотных прэтэнзій не паступала, - сказаў Вячаслаў Крук,скі. - Заўвагі назіральнікаў носяць лакальны рабочы характар, усе пытанні вырашаюцца на месцы ўчастковымі камісіямі". Усе 911 участкаў у Віцебскай вобласці адкрыліся роўна ў 8 гадзін. На іх пануе святочная атмасфера, гучыць музыка. Працуюць каля 700 гандлёвых аб'ектаў, сваю прадукцыю прадставілі прадпрыемствы і прадпрымальнікі, падрыхтавана цікавая і разнастайная культурная праграма. Паводле даных МУС, на вуліцах і плошчах абласнога цэнтра, іншых гарадоў і пасёлкаў Віцебшчыны захоўваецца спакойная абстаноўка. Несанкцыянаваных масавых мерапрыемстваў не зарэгістравана. Ва ўзмоцненым рэжыме працуюць дарожныя службы, перашкод для ўдзелу выбаршчыкаў для галасавання па прычыне бездарожжа (уночы была мяцеліца) няма. У такім жа рэжыме працуюць энергетыкі, транспартнікі, камунальныя службы, падкрэсліў старшыня Віцебскай абласной камісіі па выбарах. Ён праінфармаваў, што на 10 гадзін у Віцебскай вобласці прагаласавалі 41,2% выбаршчыкаў, унесеных у спісы.-0-