На калегіі галоўнага ўпраўлення ідэалагічнай работы і па справах моладзі аблвыканкама падводзяць вынікі работы
Пачалося мерапрыемства з выставы-прэзентацыі дасягненняў масавых медыя, грамадскіх аб'яднанняў і арганізацый рэгіёна.
Так, супрацоўнікі Віцебскага філіяла РУП «Белпошта» правялі цырымонію прэзентацыі паштовага канверта, прымеркаванага да юбілею Віцебскай вобласці. На ім прадстаўлены фота гістарычнага цэнтра Віцебска, гарадской ратушы, музея-сядзібы І. Рэпіна ў Здраўнёве, Аляксандра-Неўская і Благавешчанская цэрквы, Летні амфітэатр, Сафійскі сабор у Полацку, касцёл Нараджэння Найсвяцейшай Дзевы Марыі у г. п. Відзы Браслаўскага раёна (дызайнер Марына Віткоўская, фота Сяргея Плыткевіча, Дзмітрыя Восіпава). У цырымоніі гашэння спецыяльным штэмпелем "Прывітанне з Віцебска" прынялі ўдзел старшыня абласнога выканаўчага камітэта Аляксандр Субоцін, старшыня абласнога Савета дэпутатаў Уладзімір Церанцьеў, намеснік начальніка галоўнага ўпраўлення-начальнік упраўлення каардынацыі інфармацыйнай дзейнасці галоўнага ўпраўлення інфармацыйнай палітыкі і грамадскага развіцця Адміністрацыі Прэзідэнта Рэспублікі Беларусь Аляксандр Ліпніцкі, начальнік упраўлення выдавецкай і паліграфічнай дзейнасці Уладзімір Андрыевіч, дырэктар Віцебскага філіяла РУП «Белпошта» Сяргей Максак.
БРСМ прэзентаваў дзейнасць беларускіх студэнцкіх атрадаў.
Мабільную стылізаваную і брэндаваную пакой для здымкі відэа і селфі ў ТikТоk прадставіла абласная газета «Віцебскія весці». Кожны жадаючы, дарэчы, мог зняць ролік. Акрамя таго, журналісты расказалі пра формы працы «Віцебскіх вестак» у сацсетках і пра праекты «Віцебшчына турыстычная», «Маршруты памяці», «Здароўе кожнага – дабрабыт дзяржавы», «Люстэрка».
