На планёрцы ў старшыні аблвыканкама. Лыжка дзёгцю, здольная сапсаваць бочку мёду
Любімы конёк штатных крытыкаў улады, якіх немеркавана развялося на прасторах Інтэрнэту, – крытыкаваць чыноўнікаў. Маўляў, і такія яны, і сякія, і разэтакія. А галоўнае, пра народ не думаюць, грамадзяне гадамі не могуць вырашыць свае праблемы...
Падобныя выдумкі, мякка кажучы, не адпавядаюць рэчаіснасці. Калі зварот у выканаўчы камітэт абгрунтаваны і ёсць магчымасць для вырашэння праблемы, у абавязковым парадку прымаюцца неабходныя меры.
Пацвярджэннем таму стала чарговая аператыўная нарада ў старшыні аблвыканкама, прысвечаная вынікам сустрэчы Мікалая Шэрстнёва з працоўнымі калектывамі УП ”Віцебская біяфабрыка“ і ААТ ”Адраджэнне“ Віцебскага раёна.
Як адзначы
ў кіраўнік вобласці, на прадпрыемствах захоўваецца спакойная працоўная атмасфера, людзі адэкватна ўспрымаюць узнікаючыя эканамічныя цяжкасці і шукаюць шляхі для іх пераадолення.Але ёсць пытанні, якія напружваюць па месцы жыхарства і ўносяць дыскамфорт у паўсядзённы побыт. Так, жыхароў пасёлка Даўжа, у якім размешчана біяфабрыка, не задавольвае асартыментны пералік харчовых і тавараў паўсядзённага попыту ў краме райпотребсоюза. Маюцца нараканні на якасць і адсутнасць нарэзанага хлеба, малы выбар малочных прадуктаў.
Старшыням камітэта па сельскай гаспадарцы і харчаванні аблвыканкама Сяргею Догелю і праўлення облпотребсоюза Аляксандру Шынкарэнку даручана забяспечыць рэгулярныя пастаўкі прадукцыі ААТ
”Віцебскмясамалпрам“ ва ўсе крамы сістэмы спажывецкай кааперацыі вобласці, а ў лік пастаўшчыкоў хлеба і хлебабулачных вырабаў для Віцебскага раёна ўключыць хлебазаводы абласнога цэнтра.Шмат нязручнасцей прычыняла жыхарам Должы і адсутнасць у мясцовым ФАПе пастаяннага ўрача-тэрапеўта. Пасля таго, як пытанне было ўзнята перад старшынёй аблвыканкама, сітуацыя змянілася. Як далажыў начальнік упраўлення аховы здароўя аблвыканкама Юрый Дзеркач, адпаведны спецыяліст ужо прызначаны.
Праблема вулічнага асвятлення ў пасёлку ўзнікла практычна на пустым месцы з-за неахвотнасці работнікаў жыллёва-камунальнай гаспадаркі. Пры наяўнасці лямпаў і ліхтароў яны пасля летняга перыяду не паклапаціліся іх своечасовым уключэннем у ранішнія і вячэрнія гадзіны. Або, што больш верагодна, празмерна захапіліся эканоміяй. Мікалай Шарснёў рэзка асудзіў такую практыку, падкрэсліўшы, што эканоміць у гэтым пытанні за кошт камфорту і бяспекі людзей недапушчальна.
Другой сферай, дзе таксама спрабуюць эканоміць за кошт абслугоўвання насельніцтва, аказалася банкаўская. Напрыклад, у Должы абслугоўваючы банк у дні выплаты зарплаты работнікам біяфабрыкі не забяспечвае банкамат наяўнымі ў належным аб'ёме. Людзі вымушаны ездзіць у Віцебск, каб зняць з картак неабходныя сумы. У асобных населеных пунктах вобласці, дзе таксама ўведзены зарплатныя карткі, банкаматаў наогул няма, бо іх утрыманне і абслугоўванне невыгодна банкам. А народ поўзае.
Па гэтым пытанні патрабаванне старшыні аблвыканкама да кіраўнікоў абслугоўваючых банкаў катэгарычнае: увялі выплату зарплаты па картках – павінны ўсталяваць банкамат.
На аператыўнай нарадзе таксама былі разгледжаны пытанні пошуку сродкаў на пагашэнне даўгоў па заработнай плаце і закупку паліва для правядзення восеньскіх палявых работ, намечаны канкрэтныя шляхі для іх вырашэння.
Людміла Мышлёнак,
галоўны спецыяліст
галоўнага ўпраўлення ідэалагічнай работы,
культуры і па справах моладзі аблвыканкама.