На планерцы ў старшыні Віцебскага аблвыканкама. Рэальная эканоміка падказвае новыя падыходы

Сучасныя тэндэнцыі ў сусветнай эканоміцы сведчаць аб імклівым развіцці тэхналогій на фоне паглыблення працэсаў інтэграцыі. Сама жыццё падказвае, што без змены падыходаў далейшае развіццё прамысловага і сельскагаспадарчага комплексу немагчыма. Сёння кітайская карпарацыя пацвердзіла сваю гатоўнасць пабудаваць на Віцебшчыне малочна-таварны комплекс. Зразумела, што партнёрам карпарацыі будзе выступаць не стандартны сельгаспрадпрыемства, а больш магутная структура, здольная стварыць адэкватную базу для рэалізацыі канструктыўных ідэй.

- Стварэнне чатырох інтэграцыйных структур на Віцебшчыне – гэта толькі пачатак вялікага укрупнення, - падкрэсліў старшыня аблвыканкама Мікалай Шэрстнёў. – Нам трэба выбудоўваць стратэгію, каб ні адна гаспадарка ці прадпрыемства не засталося «за бортам» інтэграцыйных працэсаў. Адначасова важна не ўпусціць кіравальнасць у сельскай гаспадарцы. Усе перапрацоўчыя прадпрыемствы, у тым ліку малочныя камбінаты - Лепельскі, Полацкі, Глыбоцкі - павінны аб'яднацца з сельгасвытворцамі. Падобныя схемы ўжо створаны на птушкафабрыках краіны, у ААТ ”Савушкін прадукт“, ”Бабушкіна крынка“ і іншых. Вынік відавочны – сабекошт прадукцыі знізіўся.

Аб тым, як праходзіць паэтапная адпрацоўка пытанняў стварэння інтэграцыйных структур, дакладваў старшыня камітэта па сельскай гаспадарцы і харчаванні аблвыканкама Сяргей Догель. 37 гаспадарак увойдуць у чатыры холдынгу. Пакуль структуры праходзяць юрыдычную экспертызу на ўзроўні Міністэрства сельскай гаспадаркі і харчавання, вядуцца кансультацыі, дапрацоўваюцца бізнес-планы, пралічваюцца заканадаўчыя нюансы.

З дакладам аб сітуацыі з будаўніцтвам малочна-таварных ферм на планёрцы выступіў намеснік старшыні аблвыканкама Уладзімір Белавус. У многіх гаспадарках вобласці такое будаўніцтва было пачата, але да яго завяршэння яшчэ вельмі далёка.

- Рэальна на фінішную прамую са 161-га аб'екта выйшлі 19. Высокая ступень гатоўнасці – у шасці, - кажа Уладзімір Белавус. - Іх рэальна ўвесці ў гэтым годзе. Неабходна шукаць 20 мільярдаў рублёў.

Ва ўмовах, калі сельгаспрадпрыемствы маюць вялікі крэдытны шлейф, неабходна шукаць іншыя магчымасці прафінансаваць заканчэнне будаўніцтва. Старшыня аблвыканкама Мікалай Шарснёў паставіў задачу для кіраўнікоў раёнаў, начальніка галоўнага фінансавага ўпраўлення аблвыканкама Барыса Кічаноўскага, намесніка старшыні аблвыканкама Уладзіміра Белавуса: мабілізавацца і знайсці рашэнне.

Вялікая запазычанасць сельгаспрадпрыемстваў перад прадпрыемствамі меліярацыйных сістэм вобласці. Агульная сума доўгу – 20 мільярдаў рублёў. са 121 прадпрыемства-даўжніка ў 44-х сума доўгу складае да 50 мільёнаў. У некаторых – наогул паўмільёна! Не інакш, як безадказнасцю гэта не назавеш. Старшыня даручыў сітуацыю ўзяць пад кантроль і паспяшаць гаспадаркі з разлікамі.

На кантролі ў кіраўніцтва аблвыканкама - рэалізацыя даручэнняў Кіраўніка дзяржавы ў сферы вытворчасці і абароту алкагольнай прадукцыі. Якія меры прымаюцца па абароне айчыннага вытворцы, у прыватнасці Талачынскага кансервавага завода, дзе праведзена рэканструкцыя цэха па перапрацоўцы пладова-ягаднай сыравіны, устаноўлена новае абсталяванне?

Аналіз паказвае, што натуральныя ягадныя віны каштуюць танна, а вытворчасць якаснага віна стратна для прадпрыемства. Завод мае свой пладова-ягадны сад плошчай 580 га, у якім растуць яблыні, грушы, чорная і чырвоная парэчка, агрэст, маліна. Збор і нарыхтоўка сыравіны патрабуюць нямалых затрат. Між тым, зарыхтоўкі ягаднай прадукцыі ў гэтым годзе значна выраслі.

Разобрацца з пытаннем цэнаўтварэння даручана намесніку старшыні Алегу Мацкевічу. Неабходна дэталёва вывучыць тэхнічныя магчымасці дадзенай вытворчасці, падыходы да рэалізацыі прадукцыі на экспарт і правесці нараду з зацікаўленымі структурамі па выкананні даручэнняў Кіраўніка дзяржавы.

Святлана Дзядзінкіна,
галоўны спецыяліст
галоўнага ўпраўлення ідэалагічнай работы, культуры і па справах моладзі
Віцебскага абласнога выканаўчага камітэта.