На плошчы Перамогі ў Віцебску Дзяржаўтаінспекцыя вобласці правяла рэспубліканскае свята «Дзень адкрытых дарог».
Мерапрыемства прысвечана 85-гадоваму юбілею ДАІ і прайшло ва ўсіх абласцях і сталіцы краіны.
У Віцебску на маштабнай інтэрактыўнай пляцоўцы па бяспецы дарожнага руху яблыку недзе было ўпасці - столькі жадаючых сабралася. Дарослыя і дзеці з задавальненнем удзельнічалі ў атракцыёнах «п'яныя акуляры», «п'янае руль», «ручное рэгуляванне», «сядзенне бяспекі». Каталіся на картах і роварах на спецыяльных трасах, правяралі трапнасць у «інтэрактыўным ціры». Вучыліся аказваць першую дамедыцынскую дапамогу, рабілі селфі з сапраўднай службовай сабакам, знаёміліся з экспазіцыямі рэтрааўта, спецтранспарту і ўзбраення.
- Парадвала, што прыйшло шмат дзяцей. Сярод самых актыўных гасцей свята мы разыгралі два сертыфікаты на бясплатнае навучанне ў аўташколах горада, - сказаў начальнік УУС аблвыканкама палкоўнік міліцыі Юрый Любімаў. - Падобныя сустрэчы дапамагаюць яшчэ раз нагадаць людзям, што дзяржаўтаінспектары, як і іншыя праваахоўнікі, адкрыты да зносін і гатовыя прыйсці на дапамогу.
Павіншаваць дзяржаўтаінспектараў з юбілеем прыйшлі кіраўнікі вобласці і горада. Яны сталі ўдзельнікамі телемоста, які звязаў у анлайн-рэжыме ўсе сем пляцовак у краіне, дзе праводзілася рэспубліканскае свята «Дзень адкрытых дарог».
Да прысутных звярнуліся Прэзідэнт Беларусі Аляксандр Лукашэнка, міністр МУС Іван Кубракоў. На сцэне ў Віцебску выступіў і ўручыў узнагароды адметным старшыня аблвыканкама Мікалай Шэрстнёў.
У завяршэнне свята з паказальнай праграмай выступілі супрацоўнікі ДАІ, прадэманстраваўшы высокія навыкі кіравання аўтамабілямі і матацыкламі.