На сесіі Наваполацкага гарсавета дэпутатаў зацвердзілі кіраўніка Наваполацка

Сёння (22 красавіка) адбылася 3-яя пазачарговая сесія Наваполацкага гарсавета дэпутатаў. На ёй народныя абраннікі зацвердзілі старшыню Наваполацкага гарвыканкама Ігара Бурмістрава, паведамляе тэлеграм-канал "Наваполацк сёння".

Нагадаем, што сёння кіраўнік дзяржавы даў згоду на прызначэнне Ігара Паўлавіча кіраўніком нафтаграда, адпаведнае распараджэнне падпісаў старшыня Віцебскага аблвыканкама Аляксандр Субоцін.

Начальнік галоўнага ўпраўлення арганізацыйна-кадравай работы Уладзімір Давыдоўскі нагадаў аб дасягненнях Дзмітрыя Дзямідава на пасадзе кіраўніка горада, а затым прадставіў Ігара Бурмістрава. Пералічыў яго прафесійныя і дзелавыя якасці, адзначыў шэраг узнагарод.

У падтрымку Ігара Бурмістрава выступілі начальнік аддзела па адукацыі Пётр Апановіч і начальнік абласнога УУС Андрэй Любімаў. Яны ахарактарызавалі Ігара Бурмістрава як адказнага і патрабавальнага кіраўніка, сапраўднага патрыёта.

Дэпутаты аднагалосна падтрымалі кандыдатуру Ігара Бурмістрава і зацвердзілі яго на пасадзе старшыні Наваполацкага гарвыканкама.

Пасля зацвярджэння Ігар Бурмістраў, узяўшы слова, адзначыў эканоміку як вядучы напрамак у дзейнасці Наваполацка, падкрэсліў значнасць Форуму рэгіёнаў Беларусі і Расіі, які нафтаград прыме ў канцы чэрвеня 2024 года, удасканаленне транспартнай інфраструктуры і надыходзячую электаральную кампанію па выбарах Прэзідэнта.

"ВІЦЕБСКІЯ ВЕСТКІ", "NOVAYA.BY - Наваполацк сёння"