На будаўніцтва будынка памежнага пункта "Урбаны" з бюджэту Саюзнай дзяржавы накіравана Br16 млрд.

15 ліпеня, Віцебск /Дзіяна Курыло - БЕЛТА/. Будынак пагранічнага пункта пропуску "Урбаны" ў Браслаўскім раёне пабудаваны за кошт сродкаў Саюзнай дзяржавы, паведаміў карэспандэнту БЕЛТА памочнік начальніка Полацкага пагранатрада Дзяніс Глебко. Новы будынак пагранпоста сумяшчаецца з аддзяленнем пагранічнага кантролю "Урбаны" Полацкага пагранатрада. На тэрыторыі ўзведзены адміністрацыйны будынак, інтэрнат для асабовага складу, боксы для службовай тэхнікі, кацельня на мясцовых відах паліва, дзве артэзіянскія свідравіны, станцыя ачысткі сцёкавых вод, пункт тэхнічнага абслугоўвання і рамонту тэхнікі, пітомнік для службовых жывёл, склад для захоўвання паліва, дызель-генератар, каналізацыйна-напамповая станцыя. Будаўніцтва фінансавалася ў рамках узмацнення мяжы Саюзнай дзяржавы і рэалізацыі Канцэпцыі развіцця органаў пагранічнай службы Рэспублікі Беларусь на 2008-2017 гады. З бюджэту Саюзнай дзяржавы на работы было накіравана Br16 млрд. Як чакаецца, урачыстае адкрыццё пройдзе 24 ліпеня з удзелам кіраўнікоў Дзяржпагранкамітэта, кіраўніцтва Віцебскага аблвыканкама.-0-