На тэрыторыі Віцебскай вобласці стартавала рэспубліканская акцыя «За бяспеку разам»

Адной з асноўных прычын пажараў па-ранейшаму застаецца невыкананне грамадзянамі правілаў пажарнай бяспекі па неасцярожнасці або па невуцтве, але вынік адзін.

З мэтай папярэджання такіх пажараў, а таксама павышэння інфармаванасці насельніцтва ў сферы забеспячэння пажарнай бяспекі, умацавання правапарадку, папярэджання правапарушэнняў, учыненых грамадзянамі ў стане алкагольнага ап'янення, з 15 красавіка па 1 мая 2024 года на тэрыторыі Віцебскай вобласці пройдзе рэспубліканская акцыя «За бяспеку разам».

Традыцыйна, у першую чаргу, суб'екты прафілактыкі нададуць увагу сем'ям, у якіх дзеці знаходзяцца ў сацыяльна небяспечным становішчы, адзінокім і самотна пражываючым пажылым грамадзянам, адзінокім і самотна пражываючым інвалідам, грамадзянам, якія выкарыстоўваюць сваё жыллё для распіцця спіртных напояў, асобам, якія вядуць асацыяльны лад жыцця і ветэранам Вялікай Айчыннай вайны і іншым, найбольш сацыяльна ўразлівым катэгорыям грамадзян.