На Віцебшчыне прыступілі да ўборкі збожжавых

Аграрыі Віцебскай вобласці прыступілі да выбарачнай уборкі збожжавых культур, паведамілі ў камітэце па сельскай гаспадарцы і харчаванні аблвыканкама.

Першымі ўборку ў рэгіёне пачалі хлебаробы Аршанскага і Чашніцкага раёнаў, на працягу бліжэйшых двух-трох дзён ва ўборачную кампанію ўключацца ўсе раёны вобласці. "Першыя абмалочаныя гектары паказалі, што можна разлічваць на ўраджай аналагічны мінулагодняму", - адзначылі ў камітэце. Усяго аграрыям вобласці ў гэтым сезоне трэба будзе абмалаціць 390 тыс. га хлеба.

Гаспадаркі вобласці паступова ўключаюцца ва ўборку азімага рапсу - работы вядуцца ў пяці раёнах, практычна ўсе ільнозаводы прыступілі да трапання лёну.