На вадаёмах Віцебскай вобласці за ліпень загінула 85 чалавек

2 жніўня, Віцебск /Сяргей Кочатаў - БЕЛТА/. Восемдзесят пяць чалавек загінула на водаёмах Віцебскай вобласці за ліпень, што больш чым у 2,5 раза перавышае колькасць загінулых за аналагічны перыяд адпаведна і 2008, і 2009 года. Аб гэтым карэспандэнту БЕЛТА паведаміў вядучы спецыяліст абласной арганізацыі АСВОД Вячаслаў Вараноў. Асноўнай прычынай трагічных здарэнняў на вадзе з'яўляецца купанне ў стане алкагольнага ап'янэння. Сярод загінулых за ліпень - сем непаўналетніх, што стала вынікам адсутнасці кантролю за баўленнем часу дзяцей з боку бацькоў. У апошні тыдзень анамальна гарачага па надвор'і месяца патанула 10 чалавек, у тым ліку адзін непаўналетні. Трагедыя з дзіцем здарылася недалёка ад вёскі Асінаўка ў Віцебскім раёне. Некалькі мясцовых падлеткаў праводзілі час ля невялікага сажалкі без суправаджэння дарослых. Бліжэй да вечара рабятам захацелася выкупацца. Залез у ваду і 9-гадовы хлапчук, які не ўмеў плаваць. У водаёме, дзе глыбіня даходзіць да 3 м, ён не змог выплыць на бераг. Цяпер раённая пракуратура праводзіць праверку. Па аператыўных даных, усяго з пачатку года на водаёмах вобласці патанула 148 чалавек, з іх 13 непаўналетніх. -0-