Падатковая запазычанасць у Віцебскай вобласці ў студзені-жнівень скарацілася на Br1,4 млрд.

16 верасня, Віцебск /Сяргей Кочатаў - БЕЛТА/. Запазычанасць суб'ектаў гаспадарання і фізічных асоб Віцебскай вобласці па плацяжах у бюджэт скарацілася ў студзені-жнівень на Br1,4 млрд., паведамілі карэспандэнту БЕЛТА ў інспекцыі Міністэрства па падатках і зборах па Віцебскай вобласці. Па даных на 1 верасня, запазычанасць плацельшчыкаў вобласці перад бюджэтам склала Br31,2 млрд., а яе ўдзельная вага ў гадавым плане даходаў не перавысіла 1%. Найбольш дысцыплінаваныя плацельшчыкі ажыццяўляюць дзейнасць у Верхнядзвінскім раёне, прадпрыемствы, індывідуальныя прадпрымальнікі і фізасобы якога ў поўным аб'ёме выконваюць падатковыя абавязацельствы. Станоўчая дынаміка зніжэння запазычанасці адзначаецца ў 21 раёне, у 6 раёнах вобласці плацельшчыкі дапусцілі рост даўгоў перад бюджэтам. Амаль удвая - з 70 да 38 - знізілася колькасць даўжнікоў сярод сельскагаспадарчых прадпрыемстваў, 22 СПК і ўнітарных сельгаспрадпрыемстваў ліквідавалі запазычанасць у Br2,4 млрд. На працягу года цалкам разлічыліся па даўгах 34 прадпрыемствы камунальнай формы ўласнасці на суму Br1,8 млрд. Разам з тым на долю камунальных прадпрыемстваў прыпадае каля 73% усёй падатковай запазычанасці (Br22,7 млрд.). У парадку прымусовага спагнання даўгоў падатковыя органы вобласці ліквідавалі недаімку бюджэту ў Br89,4 млрд., што складае 3,4% агульнай сумы паступленняў, у тым ліку каля Br2,5 млрд. пайшло ў бюджэт ад рэалізацыі маёмасці, звернутай у даход дзяржавы. Акрамя таго, правядзенне ўзаемазалікаў па даўгах суб'ектаў гаспадарання і мясцовым бюджэтам дазволіла знізіць запазычанасць на Br3,6 млрд.-0-