Падатковыя органы Віцебскай вобласці па выніках праверак у студзені-ліпені даналічылі ў бюджэт больш за Br1 млрд.

12 жніўня, Віцебск /Дзіяна Курыло - БЕЛТА/. Падатковыя інспекцыі Віцебскай вобласці па выніках праверак выканання заканадаўства, што рэгулюе вытворчасць і абарот падакцызных тавараў, у студзені-ліпені бягучага года даналічылі ў бюджэт больш за Br1 млрд., паведамілі карэспандэнту БЕЛТА ў прэс-цэнтры МПС Беларусі па Віцебскай вобласці. За сем месяцаў устаноўлена 567 фактаў парушэння заканадаўства, што рэгулюе вытворчасць і абарот падакцызных тавараў. Як падкрэслілі ў прэс-цэнтры, усе праверкі праводзіліся па інфармацыі аб здзейсненых правапарушэннях у сферы падатковых адносін, якая паступіла ў распараджэнне падатковых органаў. Арештавана больш за 1 тыс. л алкагольнай прадукцыі, звыш 350 л нехарчовай спіртазмяшчальнай прадукцыі, паўмільёна штук тытунёвых вырабаў, амаль 2,6 тыс. л нафтапрадуктаў, больш за 400 л соладавага піва. Агульная сума арештаваных тавараў ацэньваецца ў Br95 млн. У даход дзяржавы звернута падакцызных тавараў на Br125 млн. і Br57 млн. выручкі. Па матэрыялах кантрольных мерапрыемстваў да адміністрацыйнай адказнасці судовымі і падатковымі органамі прыцягнута 114 суб'ектаў прадпрымальніцкай дзейнасці і 451 фізічная асоба. Сума штрафных санкцый склала амаль Br390 млн.-0-