Наталля Качанава: у Аршанскім раёне трэба сфарміраваць каманду, гатовую да выканання даручэнняў Прэзідэнта
"Цяпер тут трэба сфарміраваць
каманду, гатовую да выканання даручэнняў кіраўніка дзяржавы па комплексным
развіцці Аршанскага раёна, які павінен стаць прыкладам развіцця сярэдніх
гарадоў нашай краіны", - сказала Наталля Качанава. Яна адзначыла, што ўсе
задачы ясныя і зразумелыя, яны даведзены па ўсіх напрамках: гэта і сацыяльная
сфера, і прамысловасць, і сельская гаспадарка. Пры гэтым кіраўнік Адміністрацыі
Прэзідэнта асабліва падкрэсліла, што ўсе задачы, якія ставіць кіраўнік дзяржавы,
павінны ў поўнай меры выконвацца кіраўніком любога раёна ці горада.
Звяртаючыся да дэпутатаў, Наталля
Качанава падкрэсліла, што папярэдні кіраўнік быў вызвалены ад займанай пасады
за невыкананне даручэнняў кіраўніка дзяржавы па развіцці Аршанскага раёна ў
ўстаноўленыя тэрміны. "На ваша разгляд уносіцца кандыдатура Ісачэнкі Ігара
Уладзіміравіча. Прэзідэнт даў згоду на прызначэнне яго старшынёй
Аршанскага райвыканкама. З яго прафесіяналізмам і стойкасцю ў прыняцці
рашэнняў ён зможа годна вырашыць усе задачы, якія стаяць перад усім
калектывам Аршанскага райвыканкама", - пераканана кіраўнік Адміністрацыі
Прэзідэнта. Наталля Качанава таксама звярнула ўвагу актыву раёна на той факт,
што рашэнне зрабіць Оршу прыкладам развіцця малых гарадоў прадыктавана тым, што
ў такіх гарадах назапасіліся праблемы, якія перш за ўсё звязаны з працай
прадпрыемстваў. "
Праязджаючы па Оршы, бачыш, што некалі быў наведзены парадак, зроблена добраўпарадкаванне, прыцягнуты сур'ёзныя рэсурсы. Але гэта трэба было падтрымліваць у адпаведным стане, каб захаваць на працягу наступных гадоў", - канстатавала яна.
У сувязі з гэтым, на яе думку, перш за
ўсё неабходна навесці элементарны парадак на прадпрыемствах, прычым у найкароткія
тэрміны - на гэта даецца некалькі дзён. "Што тычыцца стратэгіі развіцця,рашэнняў, якія трэба прымаць на тым ці іншым прадпрыемстве, а вы чулі, якія
задачы былі пастаўлены, трэба выкарыстоўваць усе вытворчыя магутнасці,
наладзіць выпуск канкурэнтаздольнай прадукцыі, якая будзе запатрабавана на
знешніх рынках", - лічыць кіраўнік Адміністрацыі Прэзідэнта.
Наталля Качанава таксама акцэнтавала ўвагу мясцовых органаў
улады на рабоце з насельніцтвам. "Вы павінны заваяваць аўтарытэт у жыхароў
Оршы. Гэта вельмі важна. Учора я ўжо прыводзіла лічбы: адсюль паступае велізарная
колькасць зваротаў у вышэйшыя інстанцыі. І 50% зваротаў звязаны з
нараканнямі на працу мясцовых органаў улады. Я проста патрабую ад вас усіх
навесці парадак у гэтай рабоце, - сказала кіраўнік Адміністрацыі Прэзідэнта. -
Тады людзі будуць разумець, што прадстаўнікі ўлады думаюць пра сваіх працаўнікоў, і
вам не будзе сорамна".
Па словах Наталлі Качанавай, работнікам гарвыканкама, дэпутацкаму корпусу і кіраўнікам прадпрыемстваў Аршанскага раёна неабходна зрабіць высновы і адказна падысці да справы, якая ім даверана. Ацэнка будзе дадзена сур'ёзная, таму важна працаваць зладжанай камандай. "Зрабіце ўсё, каб гэты раён і горад сапраўды сталі прыкладам для іншых рэгіёнаў у плане сацыяльна-эканамічнага развіцця, добраўпарадкавання і камфортнага пражывання людзей", - дадала кіраўнік Адміністрацыі Прэзідэнта.
Ігар Уладзіміравіч Ісачэнка нарадзіўся ў Лёзне Віцебскай вобласці. Скончыў Кіеўскае вышэйшае зенітнае ракетнае інжынернае вучылішча імя С.М. Кірава і з 1991 па 1999 год служыў ва Узброеных Сілах Беларусі. З 1999 года працаваў на розных кіраўнічых пасадах на прадпрыемстве "Віцебскаблгаз", затым на працягу пяці гадоў быў генеральным дырэктарам "Віцебскаблвадаканала". З студзеня 2014 года працаваў старшынёй камітэта па архітэктуры і будаўніцтве Віцебскага аблвыканкама. На пазачарговай сесіі 15 жніўня яго кандыдатура была зацверджана дэпутацкім корпусам Аршанскага раёна.