Наталля Качанава: Віцебскай вобласці надаецца самае пільная ўвага
Па словах спікера верхняй палаты парламента, пытанні забеспячэння медыкаў усім неабходным актуальныя для кожнай вобласці. У краіне робіцца ўсё, каб паставіць заслон каранавірусу.
"Віцебскай вобласці надаецца самая пільная ўвага. Захворванне тут больш высокае, чым у іншых рэгіёнах і абласных цэнтрах, - адзначыла Наталля Качанава. - Усе меры па забеспячэнні сродкамі індывідуальнай абароны, лекамі, па абароне медыцынскіх работнікаў, ад якіх залежыць вельмі многае, прымаюцца. Гэтыя задачы пастаўлены Прэзідэнтам".
Старшыня Савета Рэспублікі падкрэсліла важнасць сустрэчы з медыкамі, якія працуюць з хворымі і знаходзяцца на перадавой. "Важна сумленна і адкрыта пагаварыць, каб з першых вуснаў даведацца, якія ёсць пытанні, што трэба вырашаць і якую дапамогу аказваць для стабілізацыі сітуацыі. Па выніках сустрэчы будзем бачыць, дзе трэба падставіць плячо. Спадзяемся, што ў бліжэйшы час сітуацыя будзе паляпшацца і па Віцебскай вобласці, і па Мінску", - сказала Наталля Качанава.