Натуральная прадукцыя, беларускі каларыт і актыўныя забавы паклікаў гасцей на экафестываль пад Наваполацкам

Натуральная прадукцыя, нацыянальны каларыт і актыўныя забавы былі арганізаваны 12 верасня для гасцей фестывалю "Крыніца здароўя" у гарпасёлку Баравуха пад Наваполацкам, паведамілі ў Наваполацкім гарвыканкаме.

Экалагічны фестываль "Крыніца здароўя" у пяты раз сабраў гасцей. Падчас свята працавала пляцоўка "Прыдзвінскі вясковы куток - здароўе галоўны выток", дзе была прадстаўлена прадукцыя лепшых аграсядзіб Міёрскага, Лепельскага, Пастаўскага, Полацкага, Расонскага раёнаў, гарадоў Браслаў, Полацк, Дзісна. Традыцыйна прайшлі дэгустацыя нацыянальных страў беларускай кухні, майстар-класы па валянні з воўны, макрамэ, урокі беларускіх народных танцаў, якія ўжо паспелі палюбіцца жыхарам і гасцям фестывалю.

Таксама ўсе жадаючыя маглі не толькі ўбачыць паказальнае выступленне лепшых коннікаў коннага клуба "Баярд", але і самі прыняць удзел у выступленнях. На працягу ўсяго свята для гасцей і жыхароў гарпасёлка прагучалі лепшыя нумары творчых калектываў горада і раёна, прайшла фотапрэзентацыя спартыўных дасягненняў Наваполацкага дзяржаўнага вучылішча алімпійскага рэзерву.

На свяце адкрыла свае дзверы "Кірмаш-продаж" агародніны і садавіны, выгадаваных на тэрыторыі Прыдзвіння, прайшоў конкурс "Экамода - 2015". На тэрыторыі парка гарпасёлка ўрачыста адкрылася новая дзіцячая спартыўна-гульнявая пляцоўка. Увесь дзень у Баравусе працавалі атракцыёны.

Фестываль "Крыніца здароўя" задумваўся як прапагандысцкае мерапрыемства на тэму экалагічнай бяспекі і захавання спрыяльнага навакольнага асяроддзя, рацыянальнага выкарыстання прыродна-рэсурснага патэнцыялу, захавання біялагічнай і ландшафтнай разнастайнасці. Дэбют фестывалю адбыўся ў верасні 2010 года, калі праект у рамках Праграмы "Парадак дня на XXI стагоддзе" атрымаў грант і быў падтрыманы ПРААН/ЕС. На сённяшні дзень фестываль "Крыніца здароўя" мае статус традыцыйнага.

Кацярына Князева, БЕЛТА.