Названы лаўрэаты абласной літаратурнай прэміі імя Петруся Броўкі 2018 года
На атрыманне прэміі, заснаванай Віцебскім аблвыканкамам, прэтэндавалі 14 аўтараў. Лепшыя пісьменнікі рэгіёна вызначаліся ў трох намінацыях.
Так, прозаікамі года (у тым ліку разглядаліся публіцыстыка і драматургія) сталі Мікалай Гарбачоў за кнігу ”Чалавек з ціхім голасам“ і Віктар Карасёў, які напісаў ”Край, аблашчаны вятрамі“.
Сярод паэтаў лепшай названа Святлана Якубоўская - як аўтар вершаў ”Туманы над возерам“.
У намінацыі ”Літаратура для дзяцей“ усе лаўры дасталіся сямейнаму творчаму тандэму Галіны і Сяргея Трафімавых - за кнігі ”У каго нос лепшы?“, ”Цуды з гліны“ і ”Які адзенне нам даруе прырода?“ з серыі ”Апавяданні дзеда Прыродаведа“.
Урачыстая цырымонія ўзнагароджвання лаўрэатаў прэміі адбудзецца 27 снежня а 11.00 у Віцебскай абласной бібліятэцы імя У.І.Леніна.