Названы самыя дарагія і танныя квіткі на Еўрагульні-2019 у Мінску

Цэны на квіткі II Еўрапейскіх гульняў будуць даступнымі. Пра гэта паведаміў начальнік упраўлення па маркетынгу, камерцыйных пытаннях і рэкламе фонду "Дырэкцыя II Еўрапейскіх гульняў 2019 года" Максім Кашкалда, перадае карэспандэнт БЕЛТА.

"Самы даступны білет на спартыўныя мерапрыемствы будзе каштаваць Br5, самы дарагі - Br50", - адзначыў Максім Кашкалда. Квіткі на спаборніцтвы II Еўрапейскіх гульняў паступяць у продаж 1 снежня 2018 года і адразу пачнуць рэалізоўвацца на тэрыторыі Беларусі праз спецыяльны сайт www.minsk2019.ticketpro.by, а таксама больш чым у 400 касах сеткі партнёраў афіцыйнага білетнага аператара - кампаніі "Тыкетпра".

1 снежня 2018 года квіткі паступяць у продаж і ў Еўропе праз афіцыйных рэселераў (аператараў і агентаў). Па такой сістэме грамадзяне Беларусі і іншых еўрапейскіх краін іх змогуць купіць да 28 лютага 2019 года. Пачынаючы з 1 сакавіка квіткі на Гульні праз сайт змогуць набыць усе жадаючыя з любой краіны. II Еўрапейскія гульні пройдуць у Мінску з 21 па 30 чэрвеня 2019 года на 12 спартыўных аб'ектах. Больш за 4000 атлетаў з 50 краін разыграюць каля 200 камплектаў узнагарод у 15 відах спорту. Спаборніцтвы ў 9 відах спорту стануць кваліфікацыйнымі да XXXII Алімпійскіх гульняў 2020 года ў Токіо. Спаборніцтвы па бадмінтоне, боксе, веславанні на байдарках і каноэ і д зюдо пройдуць у ранзе чэмпіянатаў Еўропы.