Нелегальная партыя тавару на суму звыш Br500 млн. канфіскавана Віцебскай мытняй

20 жніўня, Віцебск /Сяргей Кочатаў - БЕЛТА/. Супрацоўнікі Віцебскай мытні затрымалі буйную партыю тавару на суму звыш Br500,5 млн., незаконна перамешчаную ў Расійскую Федэрацыю, паведаміў карэспандэнту БЕЛТА намеснік начальніка аддзела па барацьбе з кантрабандай і адміністрацыйнымі мытнымі правапарушэннямі мытні Андрэй Каваленка. Аўтафургон "Вольва", які перавозіў груз з Літвы на адрас адной з маскоўскіх фірмаў, быў спынены на ўчастку магістралі Брэст - Масква у Дубровенскім раёне Віцебскай вобласці. Па дакументах, прадастаўленых перавозчыкам, у аўтамабілі павінна было знаходзіцца больш за 700 рулонаў плёнкі для нацяжэння столяў. Аднак супрацоўнікі выявілі яшчэ амаль 300 рулонаў, якія былі ўвезены абыход мытнага кантролю. Па факце прадастаўлення недакладных звестак пачаты працэс па ч.3 арт.14.4 Кодэкса аб адміністрацыйных правапарушэннях Беларусі ("Незаконнае перамяшчэнне тавараў і транспартных сродкаў праз мытную мяжу"). Нелегальна перавозімы тавар канфіскаваны. Пасля завяршэння расследавання матэрыялы будуць накіраваны ў суд для прыняцця рашэння аб прыцягненні вінаватых да адміністрацыйнай адказнасці і звароце тавару ў даход дзяржавы.-0-