Мікалай Шарснёў прыняў удзел у святкаванні 30-годдзя аршанскага моладзева-пошукавага клуба «Русічы»
Павіншаваць юных патрыётаў з 30-годдзем заснавання «Русічаў» прыехаў старшыня Віцебскага аблвыканкама Мікалай Шарснёў.
– За тры дзясяткі гадоў школу мужнасці пад назвай «Русічы» прайшлі больш за 3 тысячы выхаванцаў, – адзначыў кіраўнік вобласці. – Усе яны выраслі годнымі, паважанымі людзьмі. Больш за 1200 перапахаванняў салдат і афіцэраў, больш за 6 тысяч імёнаў, вернутых загінулым байцам… Родныя загінулых і прапаўшых без вестак – вось хто па-сапраўднаму можа ацаніць значнасць працы, якую робяць «Русічы». Яна грунтуецца на патрыятызме і гонары.
Мікалай Шарснёў ад сябе асабіста і аблвыканкама выказаў падзяку курсантам і Рыгору Шараю.
– Не было б ідэйнага натхняльніка і адданага справе кіраўніка – не адбыўся б і клуб, – падкрэсліў Мікалай Мікалаевіч. – Дзякуючы яму на працягу 30 гадоў новыя пакаленні юнакоў і дзяўчат займаюцца высакароднай справай. Выхаваць сілу духу і закласці цвёрды маральны стрыжань дарагога каштуе.
Падзяку за асабісты ўклад у фарміраванне грамадзянскай свядомасці моладзі Мікалай Шарснёў уручыў галоўнаму спецыялісту аддзела ідэалагічнай работы і па справах моладзі Аршанскага райвыканкама Юрыю Трыбушэўскаму, за актыўны ўдзел у мерапрыемствах клуба «Русічы» – навучэнцу 2-га курса Аршанскага політэхнічнага прафесійна-тэхнічнага каледжа Сяргею Карпову.
Граматы галоўнага ўпраўлення па адукацыі Віцебскага аблвыканкама кіраўніку клуба і яго самым актыўным членам уручыў начальнік упраўлення Дзмітрый Хома. Акрамя таго, моладзева-патрыятычны клуб атрымаў сертыфікат на набыццё камп'ютара.
– Адзін з нашых пастулатаў абвяшчае: «Толькі той чалавек можа ўсёй душой любіць сваю Радзіму, абараняць яе да апошняй кроплі крыві, хто ведае яе мінулае і беражліва захоўвае ў памяці бліскучыя прыклады гераізму, – сказаў кіраўнік «Русічаў» Рыгор Шарай. – Хлопцы вывучаюць асновы ваеннай справы, гісторыю, прыобшчаюцца да гераічных, баявых і працоўных традыцый нашага народа. У ваенна-патрыятычным клубе курсантаў вучаць адказнасці за сваю краіну і яе будучыню, загартаваюць душэўна і фізічна.
Павіншаваць і ўручыць заслужаныя медалі, граматы і падзякі Рыгору Шараю і тым, хто датычны да дзейнасці моладзева-патрыятычнага клуба, таксама прыехалі прадстаўнікі Расійскага саюза ветэранаў, Расійскай асацыяцыі герояў, грамадскіх аб'яднанняў і духавенства рэгіёна.