Мікалай Шэрснёў: з пытаннямі людзей сістэмнага характару трэба разбірацца глыбока (абнаўленне)

Пытанні сістэмнага характару трэба вырашаць глыбока. Аб гэтым заявіў сёння старшыня Віцебскага аблвыканкама Мікалай Шарснёў па выніках правядзення прамой тэлефоннай лініі з жыхарамі вобласці.

"Звяртаю ўвагу на тыя праблемы, якія носяць сістэмны характар. Усе яны могуць здымацца на месцах. Пры гэтым, закрыўшы праблему аднаго чалавека, мы не вырашаем пытанне ў цэлым. Разбірацца трэба глыбей, бо ёсць і іншыя людзі, што не патэлефанавалі, але з такімі ж праблемамі", - падкрэсліў губернатар, звяртаючыся да кіраўнікоў раёнаў.

Напрыклад, пенсіянерка з Лёзненскага раёна з-за закрыцця прыватнай оптыкі сутыкнулася з праблемай вырабу акуляраў. Жыхарка вёскі Новыя Вайханы Гарадоцкага раёна падняла пытанне з закупкай малака. Адразу некалькі званкоў паступіла ад жыльцоў дамоў па вуліцы Церашковай у Віцебску, звязаных з затрымкай адкрыцця рэканструяванай крамы "Веста". Вырашыць папяровы пытанне і адкрыць гатовы да працы аб'ект старшыня аблвыканкама даручыў да 1 верасня.

На кантроль узяў губернатар праблему развіцця інваспорту ў абласным цэнтры пасля звароту віцябляніна з абмежаванымі магчымасцямі, які сур'ёзна займаецца валейболам. Усе спартыўныя аб'екты горада будуць прааналізаваны з пункту гледжання забеспячэння даступнасці для інваспартсменаў, гэтае пытанне будзе вырашацца.

Аб тым, што станцыю абезжалезвання вады пабудуюць у пасёлку Высокае Аршанскага раёна да Новага года, паведаміў Мікалай Шарснёў на зварот мясцовай жыхаркі.

У цяперашні час праект па гэтым аб'екце знаходзіцца на экспертызе, сродкі выдзелены, нарматыўны тэрмін будаўніцтва складае тры месяцы. "Чакайце падарунак да Новага года. А жыхарам перадайце, хай не хвалююцца", - сказаў Мікалай Шарснёў вяскоўцы, якая звярнулася з пытаннем забеспячэння жыхароў пасёлка якаснай пітной вадой. Губернатар таксама звярнуў увагу на неабходнасць сістэмнай працы ў гэтым населеным пункце. "Статус пасёлка неабходна падняць за кошт паляпшэння ў цэлым матэрыяльнай базы, жылога сектара і ўсяго астатняга. Трэба навесці парадак", - дадаў ён. Падчас прамой лініі паступіла некалькі

зваротаў з Оршы. Так, мясцовая пенсіянерка ўзняла пытанне неабходнасці платнай стаянкі для машын. Паводле яе слоў, раней яна была, людзі карысталіся яе паслугамі, аднак потым стаянку прыбралі. Мікалай Шарстнёў даручыў разабрацца з гэтым актуальным для горада пытаннем, падкрэсліўшы, што такі аб'ект неабходны ў кожным буйным населеным пункце. Яшчэ адна жыхарка Оршы падрыхтавала цэлы комплекс прапаноў па паляпшэнні свайго горада. Усе ініцыятывы абавязкова будуць разгледжаны ў райвыканкаме, паабяцаў Мікалай Шарстнёў.

Падчас прамой лініі паступілі таксама званкi ад людзей, якія прасілі старшыню вобласці перадаць словы падзякі тыім, хто дапамог ім у вырашэнні пытанняў. Так, селянін з вёскі Вялікі Полсвіж Лепельскага раёна дзякаваў кіраўніка мясцовай гаспадаркі за дапамогу ў уборцы збожжавых. Не застаўся абыякавым да нечаканай падтрымкі з боку сельгаспрадпрыемства і пенсіянер з Дубровенскага раёна, якому дапамаглі з забеспячэннем сенам. Жыхарка Віцебска па просьбе вяскоўцаў з вёскі Навасёлкі Віцебскага раёна ў асобе губернатара адрасавала цёплыя словы ўсім (урачам, работнiкам сельсавета, службы па грамадзянстве і міграцыі), хто прыняў удзел у судьбе мясцовага жыхара, які востра меў патрэбу ў дапамозе. "Не ведаю, як іх завуць, але вялікі ім дзякуй. Цяпер жыццё гэтага чалавека наладзілася, у яго усё добра", - сказала жанчына.

Усе словы падзякі за подпісам старшыні аблвыканкама знойдуць сваіх адрасатаў. Па яго рашэнні, гэта стане новай формай у працы са зваротамі грамадзян. "Прыемна чуць ад людзей падзяку. Бачныя змены, зрухі", - канстатаваў у канцы прамой лініі Мікалай Шарстнёў. Ён таксама адзначыў, што сёння не паступіла невырашальных пытанняў і не было чуваць у словах тых, хто тэлефанаваў, агрэсіі, злосці. "Людзі ставілі адэкватныя пытанні, таму даціскайце, выбудоўвайце ўзаемаадносіны з жыхарамі раёнаў", - дадаў губернатар, звяртаючыся да кіраўнікоў раёнаў.

БЕЛТА.