У ноч на 17 чэрвеня ў Беларусі магчымы збоі ў працы пластыкавых картак

У ноч на 17 чэрвеня ў Беларусі магчымы збоі ў працы пластыкавых картак, паведамілі ў Банкаўскім працэсінгавым цэнтры.

Банкаўскі цэнтр інфармуе, што 17 чэрвеня з 2.00 да 7.00 будуць праводзіцца работы па мадэрнізацыі сеткавай інфраструктуры прадпрыемства. Ва ўказаны прамежак часу магчымы кароткачасовыя перапынкі ў абслугоўванні трымальнікаў картак банкаў, якія карыстаюцца паслугамі ААТ "Банкаўскі працэсінгавы цэнтр", а таксама ў сетцы арганізацыі гандлю (сэрвісу), пунктаў выдачы наяўных, банкаматаў, інфакіёскаў, якія абслугоўваюцца дадзенымі банкамі. Цэнтр прыносіць прабачэнні за магчымыя нязручнасці ў працы.

Банкаўскі працэсінгавы цэнтр займаецца інфармацыйна-тэхналагічным забеспячэннем безнаяўных разлікаў з выкарыстаннем банкаўскіх плацежных картак сістэмы БЕЛКАРТ, міжнародных сістэм VISA і MasterCard, якія дзейнічаюць на тэрыторыі Беларусі. Паслугамі цэнтра карыстаюцца каля двух дзясяткаў банкаў, сярод іх Беларусбанк, БПС-Сбербанк, Прыёрбанк і іншыя.