Нарвежскі Чырвоны Крыж падзеліцца з беларусамі досведам працы атрадаў хуткага рэагавання на надзвычайныя сітуацыі

"Прадстаўнікі Нарвежскага Чырвонага Крыжа пабывалі ў Віцебску ў лістападзе 2015 года, на красавік 2016 запланаваны наш сустрэчны візіт у Хедмарк, дзе вызначым план работы на гэты год. Ключавым напрамкам стане падрыхтоўка нашага атрада рэагавання на НС", - распавяла Галіна Жаланава.

Як паведамляла БЕЛТА, абласная арганізацыя БТЧК і рэгіянальныя аддзяленні нацыянальных таварыстваў Чырвонага Крыжа Хедмарка (Нарвегія) і Вісагінаса (Літва) у лістападзе 2015 года падпісалі трохбаковае пагадненне аб супрацоўніцтве. Гаворачы ў цэлым аб планах работы на бягучы год, старшыня абласной арганізацыі БТЧК падкрэсліла, што ў рэгіёне будзе ўзмоцнена работа па павышэнні якасці жыцця ўразлівых катэгорый насельніцтва - новыя праекты плануецца рэалізоўваць у супрацоўніцтве са Швейцарскім Чырвоным Крыжам.

"У сакавіку ў раёны вобласці пачнуць паступаць

харчовыя наборы для аказання дапамогі - плануецца аказаць падтрымку на агульную суму каля $120 тыс., - распавяла Галіна Жаланава. - А ўжо з канца лютага ў Віцебску пачнецца рэалізацыя праекта па падтрымцы асоб без пэўнага месца жыхарства, якія на працягу трох месяцаў будуць атрымліваць гарачае харчаванне ў цэнтры часовага пражывання па вуліцы Гагарына". Усяго ў 2016 годзе абласная арганізацыя БТЧК мае намер рэалізаваць 20 праектаў рознай накіраванасці, у тым ліку ў супрацоўніцтве з замежнымі партнёрамі (у 2015 годзе рэалізоўвалася 18 праектаў). У Віцебску адбылася ХХV справаздачна-выбарная канферэнцыя абласной арганізацыі БТЧК па выніках дзейнасці за 2011-2015 гады і планаў на 2016-ы па рэалізацыі стратэгічных напрамкаў дзейнасці, а таксама канкрэтных праектаў. У тым ліку разгледжаны пытанні рэалізацыі дзяржаўнага сацыяльнага заказу ў сферы аказання медыка-сацыяльных паслуг на даму, развіцця валанцёрскага руху, аказання дапамогі грамадзянам Украіны, удзелу ў рэалізацыі міжнародных праектаў.

Алена Ціханава, БЕЛТА.