Новая тэматычная падборка «Ахова здароўя»

Сістэма аховы здароўя – гэта адладжываемы механізм, праца якога падпарадкоўваецца законам, пастановам, рэгламентам, пратаколам, загадам і яшчэ сотням прававых актаў. Спецыялістам, якія працуюць у медыцыне, неабходна не толькі быць прафесіяналамі сваёй справы, але і разбірацца ў прававой базе, якая рэгламентуе адносіны ў гэтай сферы. На сённяшні дзень гэта больш за 1400 дакументаў, якія змяшчаюцца ў новай тэматычнай падборцы «Ахова здароўя».

Да 1 ліпеня 2020 г. доступ да ўсіх дакументаў у тэматычнай падборцы «Ахова здароўя» без рэгістрацыі на сайце.

Пры ўключэнні інфармацыі ў падборку мы ўлічылі інтарэсы ўсіх, хто ўдзельнічае ў стварэнні і падтрымцы сістэмы аховы здароўя ў нашай краіне.

Лекары, юрысты, будаўнікі, інжынеры, прадстаўнікі іншых прафесій – на працоўных месцах мы тыя, хто аказвае медыцынскую дапамогу, удзельнічае ў будаўніцтве медыцынскіх устаноў, закупцы абсталявання, лекавых сродкаў і гэтак далей, а па-за працоўным кабінетам лёгка можам ператварыцца ў пацыентаў.

«Ахова здароўя» змяшчае прававыя акты (законы Рэспублікі Беларусь, пастановы Урада Рэспублікі Беларусь, пастановы рэспубліканскіх органаў дзяржаўнага кіравання, міжнародныя акты), матэрыялы правапрымяняльнага характару і формы дакументаў, якія рэгулююць адносіны ў сферы:

• ажыццяўлення медыцынскай і фармацевтычнай дзейнасці;

• аказання медыцынскай дапамогі насельніцтву;

• прыняцця мер па ахове здароўя насельніцтва.

Тэксты прававых актаў, размешчаныя ў банку даных «Ахова здароўя», знаходзяцца ў актуальным стане. Інфармацыйнае напаўненне адбываецца па меры паступлення ў Нацыянальны цэнтр прававой інфармацыі прававых актаў і іншых дакументаў дадзенай тэматыкі.

Нацыянальны цэнтр прававой інфармацыі Рэспублікі Беларусь.