Наваполацкія афтальмолагі асвоілі новыя высокатэхналагічныя аперацыі

Наваполацкія афтальмолагі асвоілі новыя высокатэхналагічныя аперацыі, якія дазваляюць захаваць пацыенту вока. Раней пры такіх паталогіях орган даводзілася выдаляць. Ужо праведзена 5 органазберагальных пластычных умяшанняў пацыентам, якія пакутавалі ад глыбокіх язваў рагавіцы, складаных запаленняў вока або пашкодзілі яго ў выніку цяжкіх траўм. Усе аперацыі прайшлі паспяхова, але каб пазбегнуць ускладненняў, урачы будуць назіраць праапераваных людзей дастаткова доўгі час.

– Такія ўмяшанні называюцца пластыкай пярэдняга адрэзка вока, – тлумачыць загадчыца міжраённым афтальмалагічным аддзяленнем Наваполацкай гарбальніцы Святлана Шарафановіч. – Яна праводзіцца з дапамогай донарскай тканіны – кавалачка плацэнты, узятага падчас правядзення кесарава сячэння і спецыяльна падрыхтаванага да выкарыстання. Гэта значыць, вока атрымлівае ахоўную абалонку – месца дэфекту проста зашываецца. Адной амніятычнай пладовай абалонкі хопіць на дзясяткі аперацый, мы можам з ёй працаваць паўтара года.

Патрэбнасць у падобных аператыўных умяшаннях у рэгіёне дастаткова высокая.

Алена Бегунова, "СБ Беларусь Сегодня"