Наваполацкі «Вымяральнік» асвойвае выпуск сілавой электронікі для электратранспарту

Яго развіццё абумоўлена ўваходжаннем "Вымяральніка" ў дзяржаўную праграму развіцця электратранспарту і будзе ажыццяўляцца сумесна з Аб'яднаным інстытутам машынабудавання НАН Беларусі. "Цяпер мы знаходзімся на пачатковым этапе рэалізацыі дадзенага праекта. Вызначаны пералік прадукцыі, якую прадпрыемству трэба будзе асвоіць: пераўтваральнік напружання, сілавы інвертар і балансіруючая прылада для акумулятарнай батарэі. Іх доследныя ўзоры для правядзення выпрабаванняў плануецца вырабіць у гэтым годзе. У наступным - наладзіць выпуск пад патрэбы вытворцаў тэхнікі", - сказаў кіраўнік.

У цяперашні час на прадпрыемстве працуюць 380 чалавек. "У гады Савецкага Саюза калектыў налічваў каля 9 тыс. чалавек, аднак варта ўлічваць, што і заказы тады выконваліся для ўсяго ваенна-прамысловага комплексу СССР. З яго развалам заводу давялося перажыць складаныя часы, але прадпрыемства змагло пераарыентавацца, захаваць сябе, а затым і ўмацаваць пазіцыі. Цяпер мы планамерна нарошчваем вытворчасць і уключаем у гаспадарчы абарот вольныя плошчы", - дадаў Віталь Смаргуноў, каментуючы пытанне жыхара Наваполацка аб стане спраў на прадпрыемстве, якое прыйшло падчас правядзення акцыі БЕЛТА "Ваша пытанне Прэзідэнту".

Віталь Смаргуноў акцэнтаваў увагу на тым, што наваполацкае прадпрыемства, якое ўключае два асноўныя вытворчыя участкі (зборачны і механазборачны), стабільна працуе, своечасова выплачваецца заработная плата. Па выніках 2018 года яна склала Br840 (за снежань - Br1077). Доля экспарту ў агульным аб'ёме рэалізацыі - 55%. Прадукцыя пастаўляецца на расійскі рынак, найбуйнейшымі спажыўцамі якога з'яўляюцца Пецярбургскі трактарны завод, навукова-тэхнічны цэнтр "Элінс", прамысловая