Новы памер утрымання з наймальнікаў сродкаў для выплаты зарплаты дзейнічае ў Беларусі з 1 мая

У Беларусі пры разліку сродкаў, якія падлягаюць пералічэнню па-за чаргой плацяжоў на пагашэнне запазычанасці па заработнай плаце, наймальнікі павінны браніраваць у разліку на аднаго работніка Br2 млн 441 тыс. 400. Гэты нарматыў ужываецца з 1 мая гэтага года, паведамілі карэспандэнту БЕЛТА ў Міністэрстве працы і сацыяльнай абароны.

Па словах спецыялістаў, у адпаведнасці з указам ад 27 лістапада 1995 года №483 "Аб забеспячэнні своечасовай выплаты заработнай платы" з наймальнікаў у беспярэчным парадку ўтрымліваюцца сумы, накіраваныя на пагашэнне запазычанасці па выплаце заработнай платы, якія адпавядаюць 1,5 памеру бюджэту пражытачнага мінімуму для працаздольнага насельніцтва, скарэкціраванага ў перыяд паміж зацвярджэннямі на індэкс спажывецкіх коштаў, з улікам каэфіцыентаў павышэння тарыфных ставак рабочых па тэхналагічных відах работ, вытворчасцях і галінах эканомікі.

Пастановай Міністэрства працы і сацыяльнай абароны зацверджаны бюджэт пражытачнага мінімуму для працаздольнага насельніцтва ў цэнах сакавіка мінулага года ў памеры Br1 млн 627 тыс. 600. Такім чынам, з 1 мая пры разліку сродкаў, якія падлягаюць пералічэнню па-за чаргой плацяжоў на пагашэнне запазычанасці па заработнай плаце, наймальнікі павінны браніраваць у разліку на аднаго работніка суму, якая адпавядае 1,5 памеру БПМ для працаздольнага насельніцтва, - Br2 млн 441 тыс. 400.