Пра падступнасць першага лёду нагадвае АСВОД

Пахаладанне апошніх дзён спрыяе ўтварэнню лёду на вадаёмах Віцебшчыны. Першы лёд вабіць аматараў зімовай рыбалкі і дзяцей, якія могуць стаць ахвярамі ўласнай неасцярожнасці. Дарэчы, 4 снежня ў Гомелі адбылася трагедыя: трое малодшакласнікаў праваліліся пад лёд, аднаго выратавалі мінакі, двое патанулі.

Рыбакам варта крыху перачакаць, пакуль лёд сцяжэе, а бацькам у гэты час трэба пастаянна кантраляваць паводзіны дзяцей каля вадаёмаў. Надзвычай падступныя цяпер рэкі. ОСВОД нагадвае: небяспечна пераходзіць вадаёмы па лёдзе таўшчынёй менш за 7 см. Асабліва ў цёмны час сутак, непагодлівае надвор'е, у малавядомых месцах. Пакрытыя тоўстым пластом снегу ўчасткі і цёмныя плямы на снежным покрыве лепш абыходзіць.

Спецыялісты настойліва рэкамендуюць аматарам падлёднага лову да сезону паклапаціцца аб індывідуальных сродках выратавання (вяроўка даўжынёй 15-20 м, выратавальны камізэлька). Не прабівайце шмат лунак на блізкай адлегласці, не скачыце і не бегайце па лёдзе, не збірайцеся вялікімі групамі і не злоўжывайце спіртнымі напоямі.

Беражыце сябе і сваіх блізкіх!

Сяргей Ляшук, "Віцебскія весці"