Аб развіцці вытворчага прадпрымальніцтва ў Рэспубліцы Беларусь
23 жніўня 2013 года адбудзецца чарговае пасяджэнне Савета па развіцці прадпрымальніцтва Рэспублікі Беларусь. Тэма пасяджэння – «Удзел прыватнага бізнесу ў працэсах мадэрнізацыі эканомікі: стан, праблемы, перспектывы».
На нарадзе будуць абмяркоўвацца пытанні мадэрнізацыі вытворчасцей, праблемы, прапановы і перспектывы развіцця вытворчага прадпрымальніцтва, а таксама праца прадпрымальніцкіх саюзаў і асацыяцый па ўцягванні прыватнага бізнесу ў працэсы мадэрнізацыі эканомікі ў Рэспубліцы Беларусь. Меркаванне прадпрымальніцкай супольнасці на пасяджэнні Савета аб гэтых праблемах прадставяць ганаровы старшыня Грамадскага аб'яднання «Асацыяцыя наймальнікаў і прадпрымальнікаў» Віцебскай вобласці Мікалай Мартынаў, старшыня Савета Грамадскага аб'яднання «Асацыяцыя наймальнікаў і прадпрымальнікаў» Віцебскай вобласці Мікалай Сілінаў, сустаршыня «Рэспубліканскай канфедэрацыі прадпрымальніцтва» Віктар Маргелаў, а таксама старшыня Беларускага саюза прадпрымальнікаў Аляксандр Калінін. У межах падрыхтоўкі інфармацыі па праблемах развіцця вытворчага прадпрымальніцтва да пасяджэння рэспубліканскага Савета Грамадскае аб'яднанне «Асацыяцыя наймальнікаў і прадпрымальнікаў» Віцебскай вобласці прапануе прадстаўнікам віцебскай бізнес-супольнасці, зацікаўленым у паспяховым развіцці вытворчага прадпрымальніцтва, накіроўваць інфармацыю аб існуючых праблемах, свае заўвагі і прапановы ў выканаўчую дырэкцыю Асацыяцыі да 17 жніўня 2013 г.
Тэлефон: (+375212) 37 36 13, (+37529) 812 24 27, (+37525) 634 99 66
E-mail: vitebsk.anp@gmail.com
Skype: oo_anp