Аб стане вытворчага траўматызму ў арганізацыях Віцебскай вобласці і аналіз прычын няшчасных выпадкаў на вытворчасці па выніках работы за I квартал 2022 года
Варта адзначыць, што за I квартал 2022 года акрамя ўказаных 4 смяротных няшчасных выпадкаў, якія знаходзяцца на ўліку, – 17 чалавек памерла на вытворчасці ў выніку наяўнасці ў работніка захворвання і па выніках расследавання дадзеныя выпадкі кваліфікаваны як не вытворчыя.
За I квартал 2022 года рост вытворчага траўматызму са смяротным зыходам адзначаны ў арганізацыях Полацкага раёна – 2 (I квартал 2021 – 0), Шумілінскага раёна – 1 (I квартал 2021 – 0).
Колькасць смяротных няшчасных выпадкаў у арганізацыях камунальнай формы ўласнасці знізілася з 3-х да 2-х выпадкаў, пры гэтым рост смяротнага траўматызму адзначаецца ў арганізацыях сельскай гаспадаркі – 1 (I квартал 2021 года – 0). Зніжэнне выпадкаў смяротнага траўматызму адзначаецца ў арганізацыях без ведамаснай падпарадкаванасці з 3-х да 1.
У I квартале 2022 года адзначаецца рост колькасці выпадкаў смяротнага вытворчага траўматызму ў арганізацыях рэспубліканскай формы ўласнасці Міністэрства адукацыі, Міністэрства сувязі, Мінлясгаса – 1 выпадак (аналагічны перыяд 2021 – 0), акрамя таго таксама адзначаецца рост колькасці няшчасных выпадкаў, якія прывялі да цяжкіх траўм у арганізацыях рэспубліканскай формы ўласнасці (Мінлясгас 4 (1), Беллеспапяровая прамысловасць, Міністэрства будаўніцтва і архітэктуры 2 (0), Міністэрства сувязі 1 (0)).
Рост няшчасных выпадкаў, якія прывялі да цяжкіх вытворчых траўм у бягучым перыядзе 2022 года ў параўнанні з I кварталам 2021 года адзначаны ў арганізацыях, размешчаных на тэрыторыі: г. Віцебска – 10(7), у тым ліку ў арганізацыях Першамайскага раёна г. Віцебска – 6(4), Кастрычніцкага раёна г. Віцебска – 3(1) і арганізацыях наступных
раёнаў: Пастаўскага - 3(0); Аршанскага - 3(2), Шаркаўшчынскага - 2(1); Докшыцкага і Бешанковіцкага раёнаў - 1(0).За I квартал 2022 года адзначаецца зніжэнне колькасці няшчасных выпадкаў на вытворчасці, якія прывялі да цяжкіх траўм у арганізацыях камунальнай формы ўласнасці з 13 да 10 выпадкаў, у тым ліку ў арганізацыях сельскай гаспадаркі з 4 да 3. Разам з тым адзначаецца рост колькасці няшчасных выпадкаў, якія прывялі да цяжкіх траўм у арганізацыях транспарту і камунікацый з 0 да 2-х выпадкаў, лёгкай прамысловасці з 1 да 2-х, у арганізацыях, якія адносяцца да іншых відаў дзейнасці, з 0 да 1.
У I квартале 2022 года смяротныя няшчасныя выпадкі ў арганізацыях вобласці адбыліся пры наступных акалічнасцях:
- у выніку падзення на работніка дрэва - 1 выпадак (валка лесу);
- у выніку падзення з вышыні - 2 выпадкі (1 - на аб'екце будаўніцтва, 1 - мантажныя работы сістэмы відэаназірання);
- у выніку пажару - 1 выпадак.
Няшчасныя выпадкі, якія прывялі да цяжкіх вытворчых траўм у дадзеным справаздачным перыядзе ў арганізацыях Віцебскай вобласці адбываліся пры наступных акалічнасцях:
- у выніку дарожна-транспартных здарэнняў - 2 выпадкі;
- у выніку падзення работнікаў - 12 выпадкаў (у тым ліку падзенне работнікаў адбывалася з транспартных сродкаў, пры пагрузцы-разгрузцы - 1 выпадак; з вышыні ўласнага росту, у тым ліку пры перамяшчэнні па роўнай паверхні - 9 выпадкаў; пры выкананні мантажна-будаўнічых работ - 2 выпадкі);
- у выніку падзення (абрушвання) на работнікаў прадметаў, матэрыялаў і інш. – 3 выпадкі (1 - пры выкананні лесасечных работ; 1 - пры выкананні пагрузачна-разгрузачных работ; 1 - пры выкананні земляных работ);
- у выніку ўздзеяння на пацярпелага, рухомых, разлятаючыхся прадметаў і дэталей, механізмаў і інш. - 3 выпадкі (1 - уздзеянне, разлятаючыхся частак машын (абслугоўванне аўтатранспарту, разбурэнне кола); 2 - уздзеянне рухомых круцячыхся элементаў абсталявання);
Неабходна адзначыць, што за дадзены справаздачны перыяд у параўнанні з 2021 годам захавалася колькасць выпадкаў
вытворчага траўматызму з работнікамі, якія знаходзяцца ў стане алкагольнага ап'янення. У арганізацыях вобласці зарэгістравана 2 няшчасныя выпадкі з работнікамі, якія знаходзяцца ў стане алкагольнага ап'янення: 1 няшчасны выпадак са смяротным зыходам і 1 выпадак з работнікам, які атрымаў траўмы, што пацягнулі цяжкі зыход.
Па выніках завершаных расследаванняў устаноўлены характэрныя прычыны няшчасных выпадкаў, якія адбыліся за I квартал 2022 года:
- асабістая неасцярожнасць - 66,7%;
- невыкананне кіраўнікамі і спецыялістамі абавязкаў па ахове працы - 11,1%;
- парушэнне патрабаванняў бяспекі пры эксплуатацыі няспраўных машын, механізмаў, абсталявання, аснасткі, інструмента - 11,1%.
- іншыя прычыны (непрадказальныя паводзіны жывёл) - 11,1%.
За студзень-сакавік 2022 года дзяржінспектарамі працы ў выніку праведзеных 74 наглядных мерапрыемстваў выяўлена і прадпісана (рэкамендавана) да ўстаранення 2375 парушэнняў патрабаванняў заканадаўства аб працы і аб ахове працы.
У арганізацыях па выніках наглядных мерапрыемстваў па ўказанні дзяржаўных інспектараў працы адхілена ад працы 345 работнікаў, якія не прайшлі інструктаж, праверку ведаў па ахове працы, не выкарыстоўваюць неабходныя сродкі індывідуальнай абароны, што забяспечваюць бяспеку працы, не прайшлі медыцынскі агляд у выпадках і парадку, прадугледжаных заканадаўствам.
На падставе матэрыялаў дзяржінспектараў працы прыцягнута да дысцыплінарнай адказнасці 51 упаўнаважаная службовая асоба наймальніка, якая дапусціла парушэнні заканадаўства аб працы і аб ахове працы. У ходзе ажыццяўлення прафілактычных мерапрыемстваў дзяржінспектарамі працы прыпынена праца 100 адзінак станкоў, машын і іншага абсталявання, 11 цэхаў, 4 будаўнічых аб'екта.
Тлумачальная запіска з аналізам вытворчага траўматызму і прапановамі па рэалізацыі адпаведных прафілактычных мерапрыемстваў накіравана ў адрас Камітэта па працы, занятасці і сацыяльнай абароне Віцебскага аблвыканкама для выкарыстання да падрыхтоўкі пасяджэння абласной камісіі па прафілактыцы вытворчага траўматызму іпрафесійнай захворваемасці.
Першы намеснік начальніка упраўлення С.В. Ануфрыеў