ААТ "Віцебскія дываны" стварае сумесную прадпрыемства ва Украіне

6 кастрычніка, Віцебск /Дзіяна Курыло - БЕЛТА/. ААТ "Віцебскія дываны" стварае першае сумесным прадпрыемства ва Украіне, паведаміў карэспандэнту БЕЛТА намеснік генеральнага дырэктара прадпрыемства па камерцыйных пытаннях Сяргей Колесник. Беларуска-украінскае СП будзе спецыялізавацца на продажы прашыўных дывановых вырабаў. Плануецца, што аб'ём продажаў складзе больш за 300 тыс. кв.м тафтынгу ў месяц. Прадпрыемства пачне працу ўжо ў канцы бягучага года і дазволіць "Віцебскім дыванамі" ўтрымаць свае пазіцыі на рынку гэтай краіны, упэўнены Сяргей Колесник. Разам з тым гэта не адзіны спосаб нарошчвання аб'ёмаў рэалізацыі. Пашырэнне фірменнай гандлёвай сеткі як унутры краіны, так і за яе межамі з'яўляецца яшчэ адной формай працы з пакупнікамі. Да канца кастрычніка ў Дзяржынску Ніжагародскай вобласці адкрыецца другі ў Расіі фірменны магазін "Віцебскіх дываноў" (першы быў адкрыты ў Смаленску 10 гадоў таму. - Заўвага БЕЛТА). Віцебскія ткачы таксама актыўна ствараюць дылерскую сетку і працуюць з аптовымі пакупнікамі ў Маскве, Латвіі, Малдове. Так, у Расійскай Федэрацыі дзейнічаюць 40 дылераў прадпрыемства. Ад разавых паставак да адгрузкі на пастаяннай аснове ў бягучым годзе перайшлі аптовыя пакупнікі ў Казахстане, Таджыкістане, Кіргізіі. Па словах Сяргея Колесника, цяпер вывучаецца магчымасць пашырэння тавараправоднай сеткі ў Сібіры. Аб'ём экспартных паставак у студзені-верасня бягучага года ў натуральным выражэнні вырас на 6,7% у параўнанні з аналагічным перыядам мінулага года. Прыкладна дзве траціны дываноў і дывановых вырабаў рэалізуюцца за мяжой. Запасы гатовай прадукцыі да сярэднямесячнага аб'ёму вытворчасці складаюць 95%. Тэмп росту выпуску таварнай прадукцыі за дзевяць месяцаў бягучага года перавысіў 104%. Прадпрыемства заснавана ў 1947 годзе, ператворана ў ААТ у 1994-м. З'яўляецца прадпрыемствам змешанай формы ўласнасці без замежнага ўдзелу з пераважнай доляй дзяржавы (51,1%) у статутным фондзе. У цяперашні час "Віцебскія дываны" асвоілі ўсе віды прадукцыі, якая вырабляецца машынным спосабам, - ад сінтэтычных прашыўных дывановых пакрыццяў да высокашчыльных тканых дываноў з ручной стрыжкай рэльефных малюнкаў. Каларыстычная гама можа быць складзена з васьмі колераў.-0-