Аб'ём уводу жылля ў Беларусі павялічыўся ў студзені-жнівень на 14,8%

16 верасня, Мінск /Наталля Вербіцкая – БЕЛТА/. У Беларусі ў студзені-жнівень бягучага года ўведзена ў эксплуатацыю 3,524 млн. кв.м агульнай плошчы жылля. Гэта на 14,8% перавысіла ўзровень аналагічнага перыяду 2008 года і склала 58,7% гадавога задання, паведамілі БЕЛТА ў Нацыянальным статыстычным камітэце. Для грамадзян, якія стаяць на ўліку маючых патрэбу ў паляпшэнні жыллёвых умоў, у студзені-жнівень здадзена ў эксплуатацыю амаль 2 млн. кв.м жылля, з іх у шматкватэрных жылых дамах у гарадах – 1,424 млн. кв.м. Удзельная вага жылля, пабудаванага для гэтай катэгорыі грамадзян у шматкватэрных жылых дамах у гарадах, склала 84,4% ад аб'ёму ўведзенага жылля ў такіх дамах пры заданні на год – 78%. У сельскіх населеных пунктах у студзені-жнівень уведзена ў эксплуатацыю 1,04 млн. кв. м жылля або 29,5% ад агульнага ўводу па рэспубліцы (у студзені-жнівень 2008-га – 31,8%). На будаўніцтва жылых дамоў у Беларусі ў студзені-жнівень было накіравана Br5,5 трлн. інвестыцый або 20,7% ад іх агульнага аб'ёму. У аб'екты інфраструктуры для раёнаў жылой забудовы ўкладзена Br785 млрд. (66,7% да прадугледжанага аб'ёму на 2009 год). У Брэсцкай вобласці за восем месяцаў гэтага года было пабудавана 584,7 тыс. кв.м (66,7% да задання на год), Віцебскай – 354,1 тыс. кв.м (60,1%), Гомельскай – 461,4 тыс. кв.м (60,2%), Гродзенскай – 457,3 тыс. кв.м (65,1%), Мінскай – 746 тыс. кв.м (68,6%), Магілёўскай – 368 тыс. кв.м (63,4%). У Мінску пабудавана 552,8 тыс. кв.м жылля (39,5%). -0-