Абвешчаны конкурс ”Найлепшая аграсядзіба 2012 года Віцебскай вобласці“

Віцебскім абласным выканаўчым камітэтам сумесна з ААТ ”Белаграпрамбанк“ і Беларускім грамадскім аб’яднаннем ”Адпачынак у вёсцы“ праводзіцца конкурс ”Лепшая аграсядзіба 2012 года Віцебскай вобласці“.

У конкурсе прымаюць удзел суб'екты аграэкатурызму: фізічныя асобы, якія пражываюць у сельскай мясцовасці, малых гарадскіх паселішчах і вядуць асабістую падсобную гаспадарку, а таксама сельскагаспадарчыя арганізацыі, якія ажыццяўляюць дзейнасць па аказанні паслуг у сферы аграэкатурызму ў парадку, вызначаным Указам Прэзідэнта Рэспублікі Беларусь ад 02.06.2006 г. № 372 ”Аб мерах па развіцці аграэкатурызму ў Рэспубліцы Беларусь“, зарэгістраваныя на тэрыторыі Віцебскай вобласці.

Конкурс з'яўляецца адкрытым і праводзіцца па наступных намінацыях:

”Захаванне беларускіх традыцый“; ”Здаровы лад жыцця“; ”Гасціннасць“; ”Зялёная сядзіба“; ”Стыль і гармонія“.

Для ўдзелу ў конкурсе суб'ектам аграэкатурызму неабходна прадставіць у аддзелы адукацыі, спорту і турызму гаррайвыканкамаў (па месцы рэгістрацыі) наступныя дакументы:

у тэрмін не пазней 19 верасня 2013 года:

-заяўку на ўдзел у конкурсе;

-дакументы (матэрыялы), якія дазваляюць вызначыць адпаведнасць удзельніка конкурсу крытэрыям заяўленай намінацыі;

- дыпломы, граматы, падзякі;

-звесткі аб прафесійнай падрыхтоўцы (удзел у семінарах,
трэнінгах, стажыроўках па аграэкатурызме і інш.);

- рэкламныя праспекты, каталогі;

-фотаальбомы, якія раскрываюць дзейнасць суб'екта ў сферы аграэкатурызму;

-дакументы, якія пацвярджаюць колькасныя паказчыкі дзейнасці ў сферы аграэкатурызму (інфармацыю аб дагаворах на аказанне паслуг у сферы аграэкатурызму, заключаных у справаздачным годзе, з адзнакай падатковага органа).

-іншыя матэрыялы.

Пераможцы конкурсу будуць узнагароджвацца памятнымі прызамі і дыпломамі. Афіцыйная цырымонія ўзнагароджвання пераможцаў і лаўрэатаў конкурсу будзе праводзіцца ва ўрачыстай абстаноўцы з запрашэннем партнёраў конкурсу, прадстаўнікоў СМІ.

Пераможцы абласнога конкурсу прымуць удзел ужо традыцыйным рэспубліканскім конкурсе, які праводзіцца ААТ ”Белаграпрамбанк“ сумесна з БГА ”Адпачынак у вёсцы“ у лістападзе-снежні 2013 года.

Па ўсіх узнікаючых пытаннях можна звяртацца ва ўпраўленне спорту і турызму аблвыканкама па тэл. 8(0212) 21 95 13.