Аблвыканкамы могуць атрымаць магчымасць аказваць дапамогу прадпрыемствам з мясцовага бюджэту - Мікалай Шарстнёў
Сярод іншага на дакладзе абмяркоўвалася магчымасць прадастаўлення аблвыканкамам большай свабоды ў распараджэнні сродкамі мясцовых бюджэтаў. "Размова аб тым, каб аблвыканкамы маглі індывідуальна распараджацца пэўнай часткай фінансаў, якая будзе зароблена звыш даведзеных артыкулаў, - растлумачыў губернатар. - У рэгіёнах узнікаюць сітуацыі, калі дапамогу неабходна аказаць канкрэтнаму прадпрыемству, а мы гэтага зрабіць не можам, таму што ёсць устаноўлены парадак, пэўная схема". Ён падкрэсліў, што размова ідзе менавіта аб сродках, заробленых звыш запланаванага.
Такім чынам, на думку губернатара, гэта яшчэ і дадатковая матывацыя, стымул, каб працаваць лепш. Кіраўнік вобласці ўчора правёў асабісты выязны прыём грамадзян у ААТ "Аршанскі мясакансервавы камбінат", пабываў на вытворчасці, правёў нараду па пытаннях рэалізацыі новых інвестпраектаў і ўдасканалення работы прадпрыемства.