Грамадскія арганізацыі Віцебшчыны аказваюць усебаковую падтрымку маладых сем'яў
– Тэма абароны мацярынства і дзяцінства сёння гучыць асабліва выразна. Дэмаграфічная сітуацыя ў рэспубліцы і рэгіёне не паляпшаецца.
Дзяржаўныя органы і грамадскія фарміраванні ў сваёй дзейнасці нацэлены на тое, каб матываваць маладых людзей на стварэнне сям'і, нараджэнне дзяцей, аказваць ім усялякую падтрымку, – падкрэсліла Таццяна Уладзіміраўна.
Таксама нагадала аб разгалінаванай сістэме дзяржпадтрымкі сем'яў, якія выхоўваюць дзяцей. У прыватнасці, прадугледжана 11 відаў дапамог. Штомесячная выплата па доглядзе за дзіцем ва ўзросце да 3 гадоў складае больш за 370 рублёў на першае дзіця і амаль 430 рублёў на другое і наступных дзяцей. Аднаразовая дапамога на першае дзіця складае 10 бюджэтаў пражытачнага мінімуму, пры нараджэнні другога і наступных дзяцей – 14 БПМ. Сямейны капітал прадастаўлены 6,6 тыс. шматдзетным мамам Віцебшчыны за ўвесь час дзеяння праграмы, у тым ліку 616 дэпазітаў адкрыта ў першым паўгоддзі 2019-га.
Да 1 студзеня 2020 года ў нашай краіне плануецца стварыць аўтаматызаваную інфармацыйную сістэму ўліку шматдзетных сем'яў, якая актуалізуе даныя і дапаможа ўдасканаліць аказанне адраснай дапамогі.
Падтрымлівае бацькоў і дзяцей таксама Фонд міру. У прыватнасці, у Чашніцкім раёне нядаўна выдзеліў сродкі на выраб альтанкі для дзіцячага дома сямейнага тыпу ў райцэнтры. Наперадзе – Міжнародны дзень міру (21 верасня), калі ў рамках агульнарэспубліканскай акцыі грамадскія дзеячы прысвойваюць званне «Дзіця міру» нованароджаным, якія з'явіліся на свет у гэты сімвалічны дзень, уручаюць бацькам сертыфікаты і падарункі. За час існавання гэтай добрай традыцыі больш за 250 малых Віцебшчыны атрымалі такі ганаровы тытул.
Падставіць плячо ратавальнікі гатовыя сем'ям і ў цяжкую хвіліну. Напрыклад, цяпер плануецца фінансава падтрымаць жыхарку Аршанскага раёна – яе дзіцяці патрабуецца дарагае лячэнне.
Распаўсюджаная практыка для арганізацыі – дапамога сацыяльным установам, у тым ліку дзіцячым, у межах праграмы «Забота» як аднаго з ключавых напрамкаў працы. Так, у жніўні аказалі бязвыплатную спонсарскую дапамогу ў памеры 950 рублёў Відзаўскаму яслям-садзе Браслаўскага раёна на аплату вулічна-гульнявога комплексу. Яшчэ раней ратавальнікі накіравалі 1,5 тыс. дабрачынных сродкаў на добраўпарадкаванне памяшкання Цэнтра культуры Наваполацка, дзе планавалася праводзіць мерапрыемствы для дзяцей-інвалідаў, дзяцей з асаблівасцямі псіхафізічнага развіцця і іншых сацыяльна ўразлівых катэгорый грамадзян.
Больш за 800 рублёў перадалі на ўмацаванне матэрыяльна-тэхнічнай базы Віцебскага гарадскога радзільнага дома №2. Сістэматычную падтрымку Фонд міру аказвае Дому дзіцяці абласнога цэнтра, дзе знаходзяцца малыя, як правіла, пазбаўленыя матчынай цеплыні і клопату.
Як член праўлення абласной арганізацыі ГА «Беларускі саюз жанчын» Таццяна Уладзіміраўна расказала і пра падтрымку сем'яў з дзецьмі з боку жаночага руху.
– Уся гэтая дапамога, як па лініі Фонду міру, так і жаночага руху, магчымая дзякуючы актывістам на месцах, пярвічным арганізацыям, а таксама, вядома, добрым сэрцам і дабрачыннасці мясцовых жыхароў, – рэзюмавала Таццяна Туманава.